ന്യൂഡല്ഹി: ലഖിംപുര് ഖേരി കര്ഷക കൊലപാതക കേസില് ആശിഷ് അറസ്റ്റിലായതിനെ തുടര്ന്ന് കേന്ദ്രമന്ത്രി അജയ് മിശ്ര രാജിവെക്കണമെന്ന ആവശ്യം പ്രതിപക്ഷ പാര്ട്ടികള് ശക്തമാക്കി. കര്ഷക കൊലപാതകവുമായി ബന്ധപ്പെട്ട് രാഷ്ട്രപതി റാംനാഥ് കോവിന്ദുമായുള്ള കൂടിക്കാഴ്ചയ്ക്ക് കോണ്ഗ്രസ് നേതാവ് രാഹുല് ഗാന്ധിയുടെ നേതൃത്വത്തിലുള്ള സംഘം അനുമതി തേടിയിട്ടുണ്ട്.
അതേസമയം, ആശിഷ് മിശ്രയെ കസ്റ്റഡിയില് വേണമെന്ന് ആവശ്യപ്പെട്ട് ഉത്തര്പ്രദേശ് പോലീസ് ലഖിംപുര് ഖേരി ജില്ലാ മജിസ്ട്രേറ്റ് കോടതിയില് ഇന്ന് അപേക്ഷ സമര്പ്പിക്കും. ജാമ്യത്തിന് പ്രതിഭാഗം ശ്രമിക്കുമെങ്കിലും കൊലപാതക കുറ്റം ചുമത്തിയിട്ടുള്ളതിനാല് ലഭിക്കാന് സാധ്യതയില്ല. അതിനിടെ കര്ഷകരുടെ ദേഹത്തേക്ക് കയറിയ വാഹനം ഓടിച്ചിരുന്നത് ആശിഷിന്റെ ഡ്രൈവറാണെന്നും പോലീസ് സ്ഥിരീകരിച്ചു.
