മലപ്പുറം: തിരൂര് ഡപ്യൂട്ടി തഹസില്ദാര് മാങ്ങാട്ടിരി സ്വദേശി പി ബി ചാലിബിനെ കാണാതായ സംഭവത്തില് വഴിത്തിരിവ്. ഇയാള് നവംബർ 8ന് രാവിലെ വീട്ടുകാരെ ഫോണില് വിളിച്ചു. മാനസിക പ്രയാസത്തിലാണ് നാടു വിട്ടതെന്നും, വീട്ടിലേക്ക് തിരിച്ചു വരുമെന്നും ചാലിബ് ഭാര്യയോടു പറഞ്ഞു.
ബുധനാഴ്ച വൈകിട്ട് ഓഫിസില് നിന്ന് ഇറങ്ങിയശേഷമാണ് കാണാതായത്
നവംബർ 6 ബുധനാഴ്ച വൈകിട്ട് ഓഫിസില് നിന്ന് ഇറങ്ങിയ ചാലിബ്, വീട്ടിലെത്താന് വൈകുമെന്ന് ഭാര്യയെ അറിയിച്ചിരുന്നു. എട്ട് മണിയോടെ വീണ്ടും അന്വേഷിച്ചപ്പോള് വളാഞ്ചേരി ഭാഗത്താണെന്നും വീട്ടിലെത്താന് വൈകുമെന്നും സന്ദേശം അയച്ചു. പിന്നീട് വിളിച്ചപ്പോഴൊന്നും ചാലിബിനെ ഫോണില് കിട്ടിയില്ല. ഇതോടെ ബുധനാഴ്ച രാത്രി 11 മണിയോടെ കുടുംബം അന്വേഷണം ആരംഭിക്കുകയായിരുന്നു.
.തിരൂര് പൊലീസില് പരാതി നല്കിയിരുന്നു.
ചാലിബിനെ കാണാനില്ലെന്ന് കാണിച്ച് തിരൂര് പൊലീസില് പരാതി നല്കി. കര്ണാടകയിലെ ഉഡുപ്പിയിലാണ് ടവര് ലൊക്കേഷന് എന്നാണ് സൂചനയെന്ന് പോലിസ് പറഞ്ഞു. അന്വേഷണം നടക്കുന്നതിനിടെയാണ് ചാലിബ് വീട്ടിലേക്ക് വിളിച്ചത്. കാണാതായതിനു ശേഷം മൊബൈല് ടവര് ലൊക്കേഷന് ആദ്യം കോഴിക്കോട്ടും പിന്നീട് ഉഡുപ്പിയിലുമാണ് കാണിച്ചത്.
