ലക്നൗ: ഉത്തര്പ്രദേശിലെ ഹാത്രാസില് റിപ്പോര്ട്ടിങ്ങിനെത്തിയ മലയാളി മാധ്യമപ്രവര്ത്തകനും കെ.യു.ഡബ്ല്യു.ജെ ദല്ഹി യൂണിറ്റ് സെക്രട്ടറിയുമായ സിദ്ദീഖ് കാപ്പനെതിരെ രാജ്യദ്രോഹകുറ്റം ചുമത്തി യു.പി പൊലീസ്. മതവിദ്വേഷം വളര്ത്തിയെന്നാരോപിച്ചാണ് കേസ് എടുത്തിരിക്കുന്നത്.
ഹാത്രാസ് പെണ്കുട്ടിയുടെ വീട് സന്ദര്ശിക്കാനുള്ള യാത്രക്കിടെയാണ് സിദ്ദീഖിനെ യുപി പോലീസ് കഴിഞ്ഞ ദിവസം അറസ്റ്റു ചെയ്യുന്നത്. മാധ്യമപ്രവര്ത്തകനാണെന്നു പറഞ്ഞിട്ടും സിദ്ദീഖിനെ അറസ്റ്റു ചെയ്യുകയും ലാപ്ടോപ്പ് അടക്കമുള്ളവ പിടിച്ചെടുക്കുകയുമായിരുന്നു.
മാധ്യമപ്രവര്ത്തകനെ അറസ്റ്റ് ചെയ്തതിനെതിരെ കേരള പത്രപ്രവര്ത്തക യൂണിയന് സുപ്രീം കോടതിയില് ഹേബിയസ് കോര്പ്പസ് ഹരജി നല്കിയിരുന്നു. സിദ്ദീഖിനെ കസ്റ്റഡിയിലെടുത്തത് സുപ്രീം കോടതി മാര്ഗരേഖയുടെ ലംഘനമാണെന്ന് അഡ്വ. വില്സ് മാത്യൂസ് മുഖേന സമര്പ്പിച്ച ഹരജിയില് ചൂണ്ടിക്കാട്ടി.
മാധ്യമപ്രവര്ത്തകനെ അറസ്റ്റ് ചെയ്ത സംഭവത്തെ അപലപിച്ച് കോണ്ഫെഡറേഷന് ഓഫ് ഓണ്ലൈന് മീഡിയ ഇന്ത്യയും രംഗത്തെത്തിയിരുന്നു
