ന്യൂഡൽഹി: കേന്ദ്ര സർക്കാറിന്റെ കാർഷിക നിയമങ്ങൾക്കെതിരെ പ്രതിഷേധിക്കുന്നവരെ കർഷകരെ പോലെ തോന്നുന്നില്ലെന്ന് കേന്ദ്രമന്ത്രി വി.കെ സിങ്.
‘ഈ ചിത്രങ്ങളിൽ കാണുന്ന അധികം ആളുകളെയും കർഷകരായി തോന്നുന്നില്ല. അവർ കർഷകരുടെ താൽപര്യത്തിന് എന്താണ് ചെയ്തത്. കർഷകർക്കല്ല മറിച്ച് മറ്റ് ചിലർക്കാണ് കാർഷിക നിയമത്തിൽ കുഴപ്പങ്ങളുള്ളത്. കമീഷൻ പറ്റുന്ന പ്രതിപക്ഷമാണ് പ്രതിഷേധങ്ങൾക്ക് പിറകിൽ’ – വി.കെ. സിങ് വാർത്ത ഏജൻസിയായ എ.എൻ.ഐയോട് പറഞ്ഞു.
അതേ സമയം കണ്ടാല് കര്ഷകരാണെന്ന് തോന്നുന്നില്ലെന്ന കേന്ദ്രമന്ത്രി വി.കെ സിംഗിന്റെ പരാമര്ശത്തിന് മറുപടിയുമായി ആം ആദ്മി പാര്ട്ടി രംഗത്തു വന്നു.
‘കര്ഷകരാണെന്ന് തെളിയിക്കാന് അവര് കലപ്പയും കാളയേയും കൊണ്ടുവരണമായിരുന്നോ’, എന്നായിരുന്നു പാര്ട്ടിയുടെ ഔദ്യോഗിക ട്വീറ്റ്.
