ദയാബായി നി​യ​മ​സ​ഭാ തെ​ര​ഞ്ഞെ​ടു​പ്പി​ല്‍ പാ​ലായിൽ നിന്നും സ്വ​ത​ന്ത്ര​ സ്ഥാ​നാ​ര്‍​ഥി​യാ​യി മത്സരിക്കും

കോ​ട്ട​യം: പ്ര​മു​ഖ മ​നു​ഷ്യാ​വ​കാ​ശ​പ്ര​വ​ര്‍​ത്ത​ക ദ​യാ​ഭാ​യി അ​ടു​ത്ത നി​യ​മ​സ​ഭാ തെ​ര​ഞ്ഞെ​ടു​പ്പി​ല്‍ പാ​ലാ നി​യോ​ജ​ക​മ​ണ്ഡ​ല​ത്തി​ല്‍ സ്വ​ത​ന്ത്ര​ സ്ഥാ​നാ​ര്‍​ഥി​യാ​യി മ​ത്സ​രി​ക്കുന്നു.

80 കാ​രി​യാ​യ ദ​യാ​ഭാ​യി ജീ​വി​തം ജ​ന​ങ്ങ​ള്‍​ക്കാ​യി സ​മ​ര്‍​പ്പി​ച്ച ത​നി​ക്ക് നി​യ​മ​സ​ഭ ജ​ന​സേ​വ​ന​ത്തി​നും നി​യ​മ​നി​ര്‍​മാണ​ത്തി​നു​മു​ള്ള വേ​ദി​യാ​കു​മെ​ന്ന പ്രതീക്ഷ യോടെയാണ് മത്സരിക്കുന്നതെന്ന് വ്യക്തമാക്കി. എതി​ര്‍​സ്ഥാ​നാ​ര്‍​ഥി​ക​ളെ​യോ മു​ന്ന​ണി​ക​ളെ​യോ കു​റി​ച്ചോ തനിക്ക് അ​റി​യേ​ണ്ട​തി​ല്ലെ​ന്നും അവർ പറഞ്ഞു.

കാ​സ​ര്‍​ഗോ​ഡി​നേ​ക്കാ​ള്‍ പ​രി​ച​യ​വും ബ​ന്ധ​ങ്ങ​ളും പാ​ലാ​യി​ല്‍ കൂടുതലുണ്ട്.
പാ​ര്‍​ട്ടി​ക​ള്‍​ക്കും മു​ന്ന​ണി​ക​ള്‍​ക്കും ഉ​പ​രി​യാ​യി വ്യക്തി ബ​ന്ധ​മാ​ണ് വ​ലു​ത്.
നി​യ​മ​സ​ഭ​യി​ലേ​ക്കു മ​ത്സ​രി​ക്കാ​ന്‍ പാ​ലാ​യി​ലെ വി​വി​ധ സം​ഘ​ട​ന​ക​ളും വ്യ​ക്തി​ക​ളും ത​ന്നെ പി​ന്‍​തു​ണ​യ്ക്കു​ന്നു​ണ്ടെ​ന്നും ജ​ന​സേ​വ​ന​ത്തി​നു​ള്ള വ​ലി​യ അ​വ​സ​ര​മാ​യി തെ​ര​ഞ്ഞെ​ടു​പ്പി​നെ കാ​ണു​ന്നു​വെ​ന്നും ദ​യാ​ഭാ​യി പ​റ​ഞ്ഞു.

നാ​മ​നി​ര്‍​ദേ​ശ പ​ത്രി​കാ സ​മ​ര്‍​പ്പ​ണ​ത്തി​നു​ള്ള ചെ​ല​വി​നു പു​റ​മേ ഒ​രു പ്ര​സ്താ​വ​ന മാ​ത്ര​മേ പ്ര​ചാ​ര​ണ​ത്തി​ന് ഇ​റ​ക്കാ​ന്‍ ആ​ഗ്ര​ഹി​ക്കു​ന്നു​ള്ളൂ. പിന്നീട് നി​യോ​ജ​ക​മ​ണ്ഡ​ല​ത്തി​ലെ എ​ല്ലാ പ്ര​ദേ​ശ​ങ്ങ​ളി​ലും ജ​ന​ങ്ങ​ളെ നേ​രി​ല്‍ സ​ന്ദ​ര്‍​ശി​ക്കും. അ​വ​ര്‍​ക്കൊ​പ്പം താ​മ​സി​ച്ച്‌ ആ​ശ​യ​വി​നി​മ​യം ന​ട​ത്തുമെന്നും ദയാബായി പറഞ്ഞു. കാ​സ​ര്‍​ഗോ​ഡ് എ​ന്‍​ഡോ​സ​ള്‍​ഫാ​ന്‍ ബാ​ധി​ത​ർക്ക് വേണ്ടി പോരാടുന്ന ദ​യാ​ഭാ​യി ക​ര്‍​ഷ​ക​രു​ടേ​തു​ള്‍​പ്പെ​ടെ വി​വി​ധ സാ​മൂ​ഹി​ക പ്ര​ശ്ന​ങ്ങ​ളി​ല്‍ ഇ​ട​പെ​ടാ​നാണ് മ​ത്സ​ര​ത്തി​നി​റ​ങ്ങു​ന്ന​ത്. നി​ല​വി​ല്‍ ഡ​ല്‍​ഹി​യി​ലെ ക​ര്‍​ഷ​ക​പ്ര​ക്ഷോ​ഭ​ത്തി​ലും ഇ​വ​ര്‍ പ​ങ്കാ​ളി​യാ​ണ്.

പാ​ലാ പൂ​വ​ര​ണി പു​ല്ലാ​ട്ട് മാ​ത്യു -എ​ലി​ക്കു​ട്ടി ദ​മ്പതി​ക​ളു​ടെ 14 മ​ക്ക​ളി​ല്‍ മൂ​ത്ത​യാ​ളാ​ണ് മേ​ഴ്സി മാ​ത്യു എ​ന്ന ദ​യാ​ഭാ​യി. നി​യ​മം, സാ​മൂ​ഹി​ക സേ​വ​നം എ​ന്നി​വ​യി​ല്‍ ബി​രു​ദ​ങ്ങ​ള്‍ നേ​ടി​യി​ട്ടു​ള്ള ദ​യാ​ഭാ​യി നിലവിൽ മ​ധ്യ​പ്ര​ദേ​ശി​ലെ ചി​ന്ദ്വാ​ഡ​യി​ല്‍ ടി​ന്‍​സാ​യി, ബാ​റു​ള്‍ ഗ്രാ​മ​ങ്ങ​ളി​ല്‍ ഗോ​ത്ര​വ​ര്‍​ഗ​ക്കാ​രു​ടെ ക്ഷേ​മ​ത്തി​നാ​യി വി​വി​ധ പ്ര​വ​ര്‍​ത്ത​ന​ങ്ങ​ള്‍ ന​ട​ത്തു​ക​യാ​ണ്.

ഗോ​ണ്ഡ് വി​ഭാ​ഗ​ക്കാ​രാ​യ ആ​ദി​വാ​സി​ക​ളെ ചൂ​ഷ​ണ​ങ്ങ​ളി​ല്‍ നി​ന്നും മോ​ചി​പ്പി​ക്കാനായി മൂ​ന്നു പ​തി​റ്റാ​ണ്ടി​ലേ​റെ​യാ​യി ദ​യാ​ഭാ​യി ഇ​വ​രു​ടെ വേ​ഷ​ത്തി​ലും സം​സ്കാ​ര​ത്തി​ലും മ​ധ്യ​പ്ര​ദേ​ശി​ലെ ചി​ന്ദ്വാ​ഡ​യി​ല്‍ ക​ഴി​യു​കയാണ്. ഇവർ വു​മ​ണ്‍ ഓ​ഫ് ദി ​ഇ​യ​ര്‍ ഉ​ള്‍​പ്പെ​ടെ നൂ​റി​ലേ​റെ പു​ര​സ്കാ​ര​ങ്ങ​ള്‍​ക്ക് അ​ര്‍​ഹ​യാ​യി​ട്ടു​ണ്ട്. പച്ച​വി​ര​ല്‍ എ​ന്ന ആ​ത്മ​ക​ഥ പ്ര​സി​ദ്ധ​മാ​ണ്.

വ​യ​നാ​ട്ടി​ലെ ആ​ദി​വാ​സി ജീ​വി​തം ഇ​തി​വൃ​ത്ത​മാ​ക്കി​യ കാ​ന്ത​ന്‍, ഞാ​ന്‍ നി​ന്നോ​ടു​കൂ​ടെ​യു​ണ്ട് എ​ന്നീ സി​നി​മ​ക​ളി​ല്‍ വേ​ഷ​മി​ട്ടു. കൂ​ടാ​തെ ഇ​വ​രു​ടെ സം​ഭ​വ​ബ​ഹു​ല ജീ​വി​തം ഉ​ള്ള​ട​ക്ക​മാ​ക്കി ദ​യാ​ഭാ​യി എ​ന്ന ഹി​ന്ദി സി​നി​മ​യും ഒ​റ്റ​യാ​ള്‍ എ​ന്ന ഡോ​ക്യു​മെ​ന്‍റ​റി​യും പു​റ​ത്തി​റ​ങ്ങി​യി​ട്ടു​ണ്ട്.