ന്യൂഡൽഹി: കശ്മീർ പ്രശ്നത്തിൽ ഫ്രാൻസ് ഇന്ത്യയ്ക്കൊപ്പമാണെന്നും ചൈനയുടെ നിയമ ലംഘനങ്ങൾ അനുവദിക്കില്ലെന്നും ഫ്രഞ്ച് പ്രസിഡന്റിന്റെ നയതന്ത്ര ഉപദേഷ്ടാവ് വ്യാഴാഴ്ച(07/01/21) പറഞ്ഞു.
ഫ്രാൻസും ഇന്ത്യയും തമ്മിലുള്ള വാർഷിക നയതന്ത്ര സംഭാഷണത്തിനായി ഇന്ത്യ സന്ദർശിച്ചപ്പോഴാണ് ഫ്രഞ്ച് പ്രസിഡന്റ് ഇമ്മാനുവൽ മാക്രോണിന്റെ നയതന്ത്ര ഉപദേഷ്ടാവ് ഇമ്മാനുവൽ ബോൺ ഇങ്ങനെ പറഞ്ഞത്.
“മേഖലയിൽ ചൈന നിയമങ്ങൾ ലംഘിക്കുമ്പോൾ, ഞങ്ങൾ വളരെ ശക്തവും വ്യക്തവുമായ നിലപാട് സ്വീകരിക്കും, ഇന്ത്യൻ മഹാസമുദ്രത്തിലെ ഞങ്ങളുടെ നാവിക സാന്നിധ്യം അതിനു വേണ്ടിക്കൂടിയുള്ളതാണ്”
വിവേകാനന്ദ ഇന്റർനാഷണൽ ഫൗണ്ടേഷൻ സംഘടിപ്പിച്ച “ഫ്രാൻസും ഇന്ത്യയും: സുസ്ഥിരവും സമൃദ്ധവുമായ ഇന്തോ-പസഫിക് പങ്കാളികൾ” എന്ന വിഷയത്തിൽ സംസാരിക്കുകയായിരുന്നു അദ്ദേഹം.
തായ്വാൻ കടലിടുക്കിൽ പട്രോളിംഗ് നടത്തുന്ന ഒരേയൊരു യൂറോപ്യൻ നാവികസേനയാണ് ഫ്രഞ്ച് നാവികസേനയെന്ന് അദ്ദേഹം പറഞ്ഞു, ഇത് ഒരു പ്രകോപനമായിട്ടല്ല, മറിച്ച് അത് പാലിക്കേണ്ടതിന്റെ ആവശ്യകത ഉറപ്പുവരുത്താനുള്ള ഒരു മാർഗമാണെന്ന് അദ്ദേഹം കൂട്ടിച്ചേർത്തു.
