ന്യൂഡൽഹി: കർഷകരുടെ പ്രതിഷേധ സ്ഥലമായ ഗാസിപൂർ അതിർത്തിയുടെ ഒരു വശം ഗതാഗതത്തിനായി 02/03/21 ചൊവ്വാഴ്ച തുറന്നതായി പോലീസ് പറഞ്ഞു. കർഷക പ്രക്ഷോഭകരെ പ്രതിരോധിക്കുന്നതിന്റെ ഭാഗമായാണ് പൊലീസ് റോഡ് പൂർണമായും അടച്ചിരുന്നത്. ദില്ലിയിൽ നിന്ന് ഗാസിയാബാദിലേക്ക് പോകുന്ന റോഡിന്റെ ഒരു വശം ചൊവ്വാഴ്ച രാവിലെ ഗതാഗതത്തിനായി തുറന്നതായി മുതിർന്ന പോലീസ് ഉദ്യോഗസ്ഥൻ പറഞ്ഞു. എന്നാൽ റോഡിന്റെ മറുവശം ഇപ്പോഴും അടച്ചിരിക്കുകയാണ്.
കഴിഞ്ഞ വർഷം സെപ്റ്റംബറിൽ കേന്ദ്രം നടപ്പാക്കിയ മൂന്ന് കാർഷിക നിയമങ്ങൾ റദ്ദാക്കണമെന്ന് ആവശ്യപ്പെട്ട് പഞ്ചാബ്, ഹരിയാന, പടിഞ്ഞാറൻ ഉത്തർപ്രദേശ് എന്നിവിടങ്ങളിൽ നിന്നുള്ള ആയിരക്കണക്കിന് കർഷകർ, ഡൽഹി അതിർത്തി കേന്ദ്രങ്ങളായ സിങ്കു, തിക്രി, ഖാസിപൂർ എന്നിവിടങ്ങളിൽ തമ്പടിച്ചിട്ടുണ്ട്.
