വിഖ്യാത ഹോളിവുഡ് സംവിധായകൻ റിച്ചാര്ഡ് ഡോണര് അന്തരിച്ചു. 91 വയസായിരുന്നു. വാര്ദ്ധക്യകാല സഹജമായ അസുഖങ്ങളെ തുടര്ന്ന് 06/07/2021 ചൊവ്വാഴ്ചയായിരുന്നു മരണം. ഭാര്യ ലോറെൻ ഷ്യൂലര് ആണ് മരണവാര്ത്ത അറിയിച്ചത്.
1976ല് പുറത്തിറങ്ങിയ ദ ഒമെൻ എന്ന സിനിമയിലൂടെ റിച്ചാര്ഡ് ഡോണര് പ്രശസ്തനായി. 1978ല് സൂപ്പര്മാൻ എന്ന സിനിമ സംവിധാനം ചെയ്തതോടെ ആഗോളതലത്തിലും റിച്ചാര്ഡ് ഡോണര് പ്രശസ്തനായി. സിനിമ വൻ ഹിറ്റായി മാറിയിരുന്നു. സൂപ്പര്മാൻ എന്ന സിനിമയിലൂടെ ലോകമെമ്പാടും ആരാധകരെ സ്വന്തമാക്കിയ സംവിധായകനാണ് റിച്ചാര്ഡ് ഡോണര്.
