തിരുവനന്തപുരം: വയലിനിസ്റ്റ് ബാലഭാസ്കറിന്റേത് അപകടമരണം തന്നെയെന്ന മുൻനിലപാട് ആവർത്തിച്ച് സി ബി ഐ. സംഭവത്തിൽ അട്ടിമറിയൊന്നും സംഭവിച്ചിട്ടില്ലെന്നും കോടതിയിൽ നൽകിയ റിപ്പോർട്ടിൽ വ്യക്തമാക്കിയിട്ടുണ്ട്. റിപ്പോർട്ടുകൾ തള്ളണമെന്ന് ആവശ്യപ്പെട്ട് സമർപ്പിച്ച ഹർജിയിലാണ് സി ബി ഐ നിലപാട് വ്യക്തമാക്കിയത്.
വാഹനാപകടത്തില് ഗുരുതരമായി പരിക്കേറ്റതിനെ തുടര്ന്ന് 2018 ഒക്ടോബര് രണ്ടിനാണ് ബാലഭാസ്കര് മരിച്ചത്. ദേശീയപാതയില് പള്ളിപ്പുറം സി ആർ പി എഫ് ക്യാമ്പ് ജംങ്ഷനു സമീപം സെപ്തംബര് 25ന് പുലര്ച്ചെ നാലരയോടെയാണ് ബാലഭാസ്കറും കുടുംബവും സഞ്ചരിച്ച വാഹനം അപകടത്തില്പ്പെട്ടത്. നിയന്ത്രണം നഷ്ടപ്പെട്ട കാര് റോഡരികിലെ മരത്തില് ഇടിക്കുകയായിരുന്നു. അപകടത്തെ തുടര്ന്ന് ബാലഭാസ്കറിന്റെ മകള് തേജസ്വിനി ബാല സംഭവസ്ഥലത്തുവെച്ചു തന്നെ മരണപ്പെട്ടിരുന്നു. ഗുരുതരമായ പരിക്കേറ്റ ബാലഭാസ്കര് ചികിത്സയ്ക്കിടെയും മരണമടഞ്ഞു.
