തിരുവനന്തപുരം: ഇന്ധനവിലക്കയറ്റത്തിനെതിരെ കോണ്ഗ്രസ് നടത്തിയ ചക്രസ്തംഭന സമരത്തിനിടെ കണ്ണൂരും പാലക്കാടും സംഘർഷം.
പാലക്കാട് സുല്ത്താന്പേട്ട ജംഗ്ഷനില് നടന്ന സമരത്തിലാണ് സംഘര്ഷമുണ്ടായത്. വി.കെ. ശ്രീകണ്ഠന് എം.പിയും പൊലീസും തമ്മില് വാക്കുതര്ക്കമുണ്ടായി. സമരത്തില് രമ്യ ഹരിദാസ് എം.പി അടക്കം പങ്കെടുത്തു.
സമരം നിശ്ചയിച്ച സ്ഥലത്ത് എത്തുന്നതിന് മുമ്പ് തന്നെ പൊലീസ് തടഞ്ഞെന്നും കയ്യേറ്റം ചെയ്തെന്നും വി.കെ. ശ്രീകണ്ഠന് എം.പി ആരോപിച്ചു.
കണ്ണൂരില് നടന്ന സമരത്തിലും നേരിയ സംഘര്ഷമുണ്ടായി. കണ്ണൂരില് യാത്ര പൂര്ണമായി തടസ്സപ്പെടുത്തിയായിരുന്നു പ്രതിഷേധം. തുടര്ന്ന് പൊലീസ് സമരക്കാരെ നീക്കി.
