കാസർകോട്: പെരിയ കേസ് പാര്ട്ടി അറിഞ്ഞുകൊണ്ടുള്ള കൊലപാതകമല്ല എന്ന് സിപിഐഎം. ഏത് അന്വേഷണവും സ്വീകാര്യമാണ്. സിബിഐ കണ്ടെത്തലുകള് തള്ളിയ സിപിഐഎം കാസര്ഗോഡ് ജില്ലാ സെക്രട്ടറി എം വി ബാലകൃഷ്ണന് അന്വേഷണത്തില് പാര്ട്ടിക്ക് ഭയമില്ലെന്നും വ്യക്തമാക്കി.
‘കഴിഞ്ഞ അസംബ്ലി തെരഞ്ഞെടുപ്പില് ഉദുമ മണ്ഡലത്തില് ഒരു കാലത്തും കിട്ടാത്ത ഭൂരിപക്ഷമാണ് സിപിഐഎം നേടിയത്. പെരിയ സംഭവം നടന്ന കല്യോട്ട് അടക്കമുള്ള വാര്ഡുകളിലെ ജനങ്ങള് സിപിഐഎമ്മിനൊപ്പമാണ്. സിപിഐഎം ആണ് കൊലയാളികള് എങ്കില് ജനങ്ങള് വോട്ടുചെയ്യുമായിരുന്നോ? മടിയില് കനമുള്ളവനല്ലേ ഭയക്കേണ്ടതുള്ളൂ. അന്വേഷണത്തില് ഭയമില്ലെന്നും ആരെ വേണമെങ്കിലും പ്രതിയാക്കിക്കോളൂ എന്ന് പണ്ടേ പറഞ്ഞിട്ടുണ്ട്’. ജില്ലാ സെക്രട്ടറി പ്രതികരിച്ചു.
