ആലപ്പുഴ: സംസ്ഥാന അസംഘടിത തൊഴിലാളി സാമൂഹ്യ സുരക്ഷാ ബോര്ഡില് അംഗങ്ങളായ തൊഴിലാളികളുടെ മക്കള്ക്കുള്ള 2021-22 വര്ഷത്തെ വിദ്യാഭ്യാസ ആനുകൂല്യത്തിന് അപേക്ഷ ക്ഷണിച്ചു.
എസ്.എസ്.എല്.സി വിജയിച്ച ശേഷം സംസ്ഥാന സര്ക്കാര് അംഗീകൃത സ്ഥാപനങ്ങളില് റഗുലര് കോഴ്സിന് ഉപരിപഠനം നടത്തുന്നവരുടെ രക്ഷിതാക്കള് നിര്ദ്ദിഷ്ട ഫോറത്തില് ജനുവരി 31നകം ജില്ലാ എക്സിക്യൂട്ടീവ് ഓഫീസര്ക്ക് അപേക്ഷ സമര്പ്പിക്കണം.
അപേക്ഷയോടൊപ്പം അംഗത്വ കാര്ഡ്, അംശാദായം അടയ്ക്കുന്ന ബുക്ക്, ബാങ്ക് പാസ്ബുക്ക് എന്നിവയുടെ പകര്പ്പും നല്കണം. വിദ്യാര്ഥി നിലവില് പഠിക്കുന്ന സ്ഥാപന മേലധികാരി അപേക്ഷ സാക്ഷ്യപ്പെടുത്തിയിരിക്കണം. ഫോണ്: 0477 2241455
