തൃശ്ശൂർ: പൂവ്വശേരി കുളത്തിന്റെ നവീകരണ പ്രവർത്തനങ്ങൾ ഉദ്ഘാടനം ചെയ്തു

തൃശ്ശൂർ: ജല സ്രോതസുകളുടെ  സംരക്ഷണത്തിനും പുനരുജ്ജീവനത്തിനുമായി വിപുലമായ പദ്ധതികളുമായി മണലൂർ പഞ്ചായത്ത്. ഇതിന്റെ ഭാഗമായി പൂവ്വശേരി കുളത്തിന്റെ നവീകരണ പ്രവർത്തനങ്ങളുടെ ഉദ്ഘാടനം പഞ്ചായത്ത് പ്രസിഡന്റ് ടി പി ജോൺസൺ നിർവ്വഹിച്ചു. ഗ്രാമപഞ്ചായത്തിന്റെ ധനകാര്യ കമ്മീഷൻ ഫണ്ട്  ഉപയോഗിച്ചാണ്  നവീകരണ പ്രവർത്തനങ്ങൾ നടപ്പിലാക്കുന്നത്. പൂവ്വശേരി കുളവും പരിസരവും നവീകരിക്കുന്നതിന് 20,44,618  രൂപ വകയിരുത്തിയിട്ടുണ്ട്. 18-ാം വാർഡിൽ സ്ഥിതി ചെയ്യുന്ന കുളവും പരിസരവും നവീകരിച്ച് മനോഹരമാക്കാനാണ് പഞ്ചായത്ത്  ലക്ഷ്യമിടുന്നത്. വാർഡ് മെമ്പർ ധർമൻ പറതാട്ടിൽ ചടങ്ങിൽ അധ്യക്ഷത വഹിച്ചു.