മലപ്പുറം: കൊതുക് ജന്യരോഗമായ ഡെങ്കിപ്പനി ഒരു വൈറസ് രോഗമാണ്. ഈഡിസ് വിഭാഗത്തില് പെട്ട പെണ്കൊതുകുകള് ആണു ഈരോഗം ഒരാളില്നിന്നും മറ്റൊരാളിലേക്ക് പകര്ത്തുന്നത്. കോവിഡ് രോഗത്തിന്റെ പല ലക്ഷണങ്ങളും ഡെങ്കിപ്പനിയില് ഉണ്ടാവുന്നതിനാല് സ്ഥിതി കൂടുതല് രൂക്ഷമാവുന്നു. നേരത്തെ തിരിച്ചറിഞ്ഞ് ഫലപ്രദമായ ചികിത്സ നല്കിയില്ലെങ്കില് രോഗി അപകട അവസ്ഥയില് ആവുന്നതിനും മരണം സംഭവിക്കാനും സാധ്യത ഉണ്ട്. വീടിനു അകത്തും പുറത്തും കൊതുക് വളരുന്ന സാഹചര്യം ഒഴിവാക്കുക, കൊതുക് കടി ഏല്ക്കാതിരിക്കാന് ആവശ്യമായ മുന്കരുതല് എടുക്കുക എന്നിവയാണു സ്വീകരിക്കേണ്ട പ്രതിരോധപ്രവര്ത്തനങ്ങള്.
റിപ്പോര്ട്ട്
ന്യൂസ് ഡെസ്ക്
