വ്യവസായ വാണിജ്യ വകുപ്പിന്റെ സംരംഭകത്വ വികസന ഇന്സ്റ്റിറ്റ്യൂട്ട് ആയ കേരള ഇന്സ്റ്റിറ്റ്യൂട്ട് ഫോര് എന്റര്പ്രണര്ഷിപ്പ് ഡവലപ്മെന്റ്, നാഷണല് ഫിഷറീസ് ഡവലപ്മെന്റ് ബോര്ഡിന്റെയും കേന്ദ്ര സര്ക്കാറിന്റെ സ്ഥാപനമായ നാഷണല് ഇന്സ്റ്റിറ്റ്യൂട്ട് ഓഫ് മൈക്രോ സ്മോള് മീഡിയം എന്റെര്പ്രൈസ്ന്റെയും ആഭിമുഖ്യത്തില് ഫിഷറീസ് ആന്ഡ് അക്വാകള്ച്ചര് എന്ന വിഷയത്തില് 15 ദിവസത്തെ സംരംഭകത്വ പരിശീലനം സംഘടിപ്പിച്ചു. ഫിഷറീസ് ആന്ഡ് അക്വാകള്ച്ചര് എന്ന വിഷയത്തില് സംരംഭം തുടങ്ങാന് ആഗ്രഹിക്കുന്ന കേരളത്തിലെ എസ്സി വിഭാഗത്തില്പ്പെട്ട തൊഴില് രഹിതരായ തിരഞ്ഞെടുത്ത 25 യുവതി യുവാകള്ക്ക് സ്റ്റൈപെന്റ്റോടുകൂടി കളമശ്ശേരി കീഡ് ക്യാമ്പസിലാണ് പരിശീലനം സംഘടിപ്പിച്ചത്.
കീഡ് സിഇഒ & എക്സിക്യൂട്ടീവ് ഡയറക്ടര് ശരത് വി രാജ്, കൊച്ചി ശാസ്ത്ര സാങ്കേതിക സര്വകലാശാല അസിസ്റ്റന്റ് പ്രൊഫസര് ഡോ.എസ്.സാബു, സംരംഭകനും ഷെഡ്യൂള്ഡ് കാസ്റ്റ് സ്റ്റേറ്റ് ജോയിന്റ് സെക്രട്ടറിയുമായ സുദീപ് എന്നിവര് പരിശീനാര്ഥികള്ക്ക് ട്രെയിനിങ് കിറ്റ് വിതരണം ചെയ്തു.
ഫിഷറീസ്, അക്വാകള്ച്ചര് എന്നിവയിലെ സംരംഭകത്വ അവസരങ്ങള്, മത്സ്യത്തിന്റെ മൂല്യവര്ദ്ധിത ഉത്പന്നങ്ങള്, അലങ്കാര മത്സ്യകൃഷി മാര്ക്കറ്റ് സര്വേ, പ്രോജക്ട് റിപ്പോര്ട്ട് തയ്യാറാക്കല്, സ്റ്റേറ്റ് ഫിഷറീസ് വകുപ്പിന്റെ പദ്ധതികള്, വ്യവസായ വാണിജ്യ വകുപ്പിന്റെ പദ്ധതികള്, നാഷണല് ഫിഷറീസ് ഡവലപ്മെന്റ് ബോര്ഡിന്റെ പദ്ധതികള്, ഫിഷറീസ്, അക്വാകള്ച്ചര് മേഖലയില് ഹൈബ്രിഡ്, സോളാര്, വിന്ഡ് എനര്ജി ആപ്ലിക്കേഷനുകള്, മേഖലയിലെ സംരംഭകരുടെ അനുഭവം പങ്കിടല് തുടങ്ങിയ സെഷനുകള് വിദഗ്ധര് കൈകാര്യം ചെയ്തു. അടുത്ത ബാച്ച് ജൂലൈ 20 മുതല് ആഗസ്റ്റ് 6 വരെ കീഡ് ക്യാമ്പസില് സംഘടിപ്പിക്കും. താത്പര്യമുള്ളവര് കീഡിന്റെ വെബ്സൈറ്റ് ആയ www.kied.info സന്ദര്ശിക്കുക.
