ന്യൂഡല്ഹി: പുതിയ പാര്ലമെന്റ് മന്ദിരം പ്രധാനമന്ത്രിയല്ല, രാഷ്ട്രപതിയാണ് ഉദ്ഘാടനം ചെയ്യേണ്ടതെന്ന് കോണ്ഗ്രസ് നേതാവ് രാഹുല്ഗാന്ധി. മെയ് 28ന് പ്രധാനമന്ത്രി നരേന്ദ്ര മോദി പുതിയ പാര്ലമെന്റ് മന്ദിരം ഉദ്ഘാടനം ചെയ്യാനിരിക്കെയാണ് രാഹുല് ഗാന്ധിയുടെ പരാമര്ശം. പ്രധാനമന്ത്രി നരേന്ദ്ര മോദിയ്ക്ക് പൊങ്ങച്ചം കാണിക്കുന്നതിനുള്ള പദ്ധതിയാണ് പുതിയ പാര്ലമെന്റ് മന്ദിരമെന്ന് നേരത്തെ കോണ്ഗ്രസ് വിമര്ശനം ഉന്നയിച്ചിരുന്നു. പുതിയ പാര്ലമെന്റ് മന്ദിരം പ്രധാനമന്ത്രി നരേന്ദ്ര മോദി ഉദ്ഘാടനം ചെയ്യുന്നതിനെ വിമര്ശിച്ച് മറ്റു പ്രതിപക്ഷ പാര്ട്ടികളുടെ നേതാക്കളും നേരത്തെ രംഗത്തെത്തിയിരുന്നു. സഭയുടെ നാഥനല്ല, സര്ക്കാരിന്റെ തലവന് മാത്രമാണ് പ്രധാനമന്ത്രി എന്ന വിമര്ശനമാണ് പ്രതിപക്ഷം ഉയര്ത്തിയത്. ലോക്സഭാ സ്പീക്കറോ രാജ്യസഭാ ചെയര്മാനോ മന്ദിരം ഉദ്ഘാടനം ചെയ്യാത്തത് എന്തുകൊണ്ടാണെന്ന് എഐഎംഐഎം നേതാവ് അസദുദ്ദീന് ഒവൈസി ചോദിച്ചിരുന്നു. സവര്ക്കറുടെ ജന്മദിനമായ മെയ് 28ന് ഉദ്ഘാടന ചടങ്ങ് നടത്തുന്നതിനെ വിമര്ശിച്ച് തൃണമൂല് കോണ്ഗ്രസും രംഗത്തെത്തിയിരുന്നു.
റിപ്പോര്ട്ട്
ന്യൂസ് ഡെസ്ക്
