കൊച്ചി: ബീഫ് ഫ്രൈയും പൊറോട്ടയും ഓര്ഡര് ചെയ്ത ഉപഭോക്താവിന് ഗ്രേവി സൗജന്യമായി നല്കിയില്ലെന്ന പരാതി നിലനില്ക്കുന്നതല്ലെന്ന് എറണാകുളം ജില്ലാ ഉപഭോക്തൃ തര്ക്ക പരിഹാര കമ്മിഷന്. എറണാകുളം സ്വദേശി ഷിബു എസ്. കോലഞ്ചേരി നല്കിയ പരാതി പരിഗണനാര്ഹമല്ലെന്ന് വ്യക്തമാക്കിയാണ് നിരാകരിച്ചത്. പത്താം മൈലിലെ ‘ദി പേര്ഷ്യന് ടേബിള്’ എന്ന റെസ്റ്റോററന്റിനെതിരെയായിരുന്നു പരാതി
ഗ്രേവി കൊടുക്കുക എന്നത് സ്ഥാപനത്തിന്റെ നയമല്ലെന്ന്താ ലൂക്ക് സപ്ലൈ ഓഫീസര് റിപ്പോര്ട്ട് നൽകി
പരാതിക്കാരനും സുഹൃത്തും 2024 നവംബര് മാസത്തിലാണ് ഹോട്ടലില്നിന്നും ബീഫ് ഫ്രൈയും പൊറോട്ടയും ഓര്ഡര് ചെയ്തത്. ഓര്ഡര് ചെയ്ത ഭക്ഷണത്തോടൊപ്പം ഗ്രേവി ആവശ്യപ്പെട്ടു. അത് നല്കാനാവില്ലെന്ന് ഹോട്ടലുടമ അറിയിച്ചു. തുടര്ന്നാണ് കുന്നത്തുനാട് താലൂക്ക് സപ്ലൈ ഓഫീസര്ക്ക് പരാതി നല്കിയത്. താലൂക്ക് സപ്ലൈ ഓഫീസറും ഫുഡ് സേഫ്റ്റി ഓഫീസറും അന്വേഷണം നടത്തുകയും ഗ്രേവി കൊടുക്കുക എന്നത് സ്ഥാപനത്തിന്റെ നയമല്ലെന്നു റിപ്പോര്ട്ട് നല്കുകയും ചെയ്തു. തുടര്ന്നാണ് പരാതിക്കാരന് കമ്മിഷനെ സമീപിച്ചത്.
സൗജന്യമായി ഗ്രേവി ലഭ്യമാക്കാമെന്ന് ഹോട്ടല് വാഗ്ദാനം നല്കുകയോ പണം ഈടാക്കുകയോ ചെയ്തിട്ടില്ല
.
ഭക്ഷണത്തിന്റെ ഗുണമേന്മ, അളവ്, സുരക്ഷ എന്നിവയുമായി ബന്ധപ്പെട്ട് പരാതിയില്ല. ഓര്ഡര് ചെയ്ത ഭക്ഷണത്തോടൊപ്പം ഗ്രേവി ലഭ്യമാക്കിയില്ല എന്നതാണ് പരാതിക്കാരന് ഉന്നയിച്ചത്. എന്നാല് സൗജന്യമായി ഗ്രേവി ലഭ്യമാക്കാമെന്ന് ഹോട്ടല് വാഗ്ദാനം നല്കുകയോ അതിനായി പണം ഈടാക്കുകയോ ചെയ്തിട്ടില്ലെന്ന് കമ്മിഷന് നിരീക്ഷിച്ചു.
.
