കാസര്ഗോഡ്: കാഞ്ഞങ്ങാട് കല്ലൂരാവിയിലെ ഡിവൈഎഫ്ഐ പ്രവര്ത്തകന്റെ കൊലപാതകത്തില് മുഖ്യപ്രതി ഇര്ഷാദ് കുറ്റം സമ്മതിച്ചു. ഔഫ് അബ്ദുള് റഹ്മാനെ കുത്തിയത് താനാണെന്ന് ഇര്ഷാദ് പൊലീസിന് മൊഴി നല്കി. ആകെ കൃത്യത്തില് മൂന്ന് പേര് മാത്രമാണ് പങ്കാളികളായതെന്നും വ്യാഴാഴ്ച (24/12/20) കസ്റ്റഡിയിലെടുത്ത ഇസഹാഖിന് കൊലപാതകത്തില് പങ്കില്ലെന്നും പൊലീസ് പറഞ്ഞു.
കേസിലെ മുഴുവന് പ്രതികളും പൊലീസ് കസ്റ്റഡിയിലായി. ഇര്ഷാദ്, ഇസഹാഖ്, ഹസന്, ആഷിര് എന്നിവരാണ് പൊലീസ് കസ്റ്റഡിയിലായത്.
