തിരുവനന്തപുരം: തദ്ദേശ തെരഞ്ഞെടുപ്പില് വെല്ഫെയര് പാര്ട്ടിയുമായി യാതൊരു നീക്കുപോക്കുമില്ലെന്ന് ആവര്ത്തിച്ച് കെപിസിസി പ്രസിഡന്റ് മുല്ലപ്പള്ളി രാമചന്ദ്രന്. പ്രാദേശിക സഖ്യം സംബന്ധിച്ച് വിശദമായി പരിശോധിക്കുമെന്നും മുല്ലപ്പള്ളി പറഞ്ഞു.
എഐസിസി നിലപാടാണ് കെപിസിസി പ്രസിഡന്റിനും ഉള്ളത്. ജമാഅത്തെ ഇസ്ലാമി വര്ഗീയ പാര്ട്ടി അല്ലെന്ന നിലപാട് എഐസിസിക്ക് ഇല്ലെന്നും മുല്ലപ്പള്ളി വ്യക്തമാക്കി. പാര്ട്ടിയിലെ അവസാന വാക്ക് സംസ്ഥാന അധ്യക്ഷനാണ്.
കെ .മുരളീധരനെ പോലെ അനുഭവ സമ്പത്തുള്ള നേതാവിന് മറുപടി നല്കുന്നില്ല എന്നും മുല്ലപ്പള്ളി പറഞ്ഞു .
എന്നാൽ നിലവില് മതേതര നയമാണ് വെല്ഫെയര് പാര്ട്ടി പുലർത്തുന്നത് എന്നാണ് കെ മുരളീധരന് എം.പിയുടെ അഭിപ്രായം . വെല്ഫെയര് ബന്ധം യുഡിഎഫിന് നേട്ടമുണ്ടാക്കുമെന്നും കെ മുരളീധരന് പറഞ്ഞു.
