ബെംഗളൂരു: കര്ണ്ണാടകയില് കേന്ദ്ര ആഭ്യന്തരമന്ത്രി അമിത് ഷായ്ക്കെതിരെ കര്ഷകരുടെ പ്രതിഷേധം. ഷായുടെ ബെലഗാവി ജില്ലയിലെ പര്യടനത്തിനിടയിലായിരുന്നു പ്രതിഷേധം. മുഖ്യമന്ത്രി ബി.എസ് യെദിയൂരപ്പയടക്കമുള്ള നേതാക്കള് ഷായോടൊപ്പം ഉണ്ടായിരുന്നു.
പ്രതിഷേധം നടത്തിയ കര്ഷകരെ പൊലീസ് അറസ്റ്റ് ചെയ്തു നീക്കിയിട്ടുണ്ട്. കേന്ദ്രസര്ക്കാര് പാസാക്കിയ മൂന്ന് കാര്ഷിക നിയമങ്ങളും പിന്വലിക്കണ മെന്നാവശ്യപ്പെട്ട് കര്ഷകര് നടത്തിയ പ്രതിഷേധത്തിനിടെയാണ് സംഘര്ഷം.
അതേസമയം രാജ്യത്തെ കര്ഷക പ്രക്ഷോഭം 53-ാം ദിവസത്തിലേക്ക് കടന്നിരിക്കുകയാണ്. കര്ഷകരുമായി കേന്ദ്രസര്ക്കാര് നടത്തിയ ഒന്പതാം വട്ട ചര്ച്ചയും പരാജയമായിരുന്നു. നിയമം പിന്വലിക്കും വരെ പ്രതിഷേധം തുടരുമെന്നാണ് കര്ഷകര് അറിയിച്ചിരിക്കുന്നത്.
