ന്യൂഡൽഹി: ലോകത്തെ അതിവേഗം വളരുന്ന സമ്പദ്വ്യവസ്ഥയുടെ നിലവാരം ഇന്ത്യ വീണ്ടെടുക്കുമെന്ന് അന്താരാഷ്ട്ര നാണയ നിധി (ഐഎംഎഫ്) . 2021 ൽ ഇന്ത്യൻ സമ്പദ് വ്യവസ്ഥയുടെ വളർച്ച 11.5 ശതമാനമായി ഉയരുമെന്ന് ഐഎംഎഫ് പറഞ്ഞു. 5 ട്രില്യൺ ഡോളർ ലക്ഷ്യം കൈവരിക്കുന്നതിനായി ഇന്ത്യ തിരിച്ചുവരികയാണെന്ന് വിദഗ്ധർ പറഞ്ഞു.
ഐ എം എഫ് പ്രവചനത്തെ ആഹ്ളാദകരം എന്നാണ് കേന്ദ്ര മന്ത്രി പീയൂഷ് ഗോയൽ വിശേഷിപ്പിച്ചത്. 26/01/21 ചൊവ്വാഴ്ച പുറത്തിറക്കിയ ഏറ്റവും പുതിയ വേൾഡ് ഇക്കണോമിക് ഔട്ട്ലുക്ക് അപ്ഡേറ്റിൽ, ഇന്ത്യയുടെ മൊത്ത ആഭ്യന്തര ഉത്പാദനം (ജിഡിപി) 2021 ൽ 11.5 ശതമാനം വേഗതയിൽ വളരുമെന്ന് ഐഎംഎഫ് പ്രവചിച്ചു. ഐഎംഎഫ് പ്രവചനങ്ങൾ കാണിക്കുന്നത് ഇന്ത്യയുടെ സമ്പദ്വ്യവസ്ഥ ചൈനയേക്കാൾ മികച്ച വളർച്ച കൈവരിക്കുമെന്നാണ്.
” പ്രധാനമന്ത്രി നരേന്ദ്രമോദിയുടെ കീഴിൽ ഇന്ത്യ അതിവേഗം വളർച്ച കൈവരിക്കും, 2121 ൽ ഐഎംഎഫ് ഇന്ത്യയ്ക്ക് 11.5 ശതമാനം വളർച്ചാ നിരക്ക് പ്രതീക്ഷിക്കുന്നു.” വാണിജ്യ വ്യവസായ മന്ത്രി പീയൂഷ് ഗോയൽ ട്വീറ്റ് ചെയ്തു.
