മുംബൈ: 50 വയസ്സിന് മുകളിലുള്ളവര്ക്കായി അടുത്ത മാസം വാക്സിന് ഡ്രൈവ് ആരംഭിക്കാനിരിക്കെ, കോവിന് ആപ്പിലെ പ്രീ-രജിസ്ട്രേഷന് പകരം വാക്ക്-ഇന് രജിസ്ട്രേഷന് വേണമെന്ന ആവശ്യം ഉന്നയിച്ച് സെന്ട്രല് കോവിഡ് -19 ടാസ്ക് ഫോഴ്സ് അംഗങ്ങളും പൊതുജനാരോഗ്യ വിദഗ്ധരും.പല സംസ്ഥാനങ്ങളിലും കോവിന് ആപ്പിലെ തകരാറുകള് റിപ്പോര്ട്ട് ചെയ്യപ്പെട്ടതിനെ തുടര്ന്നാണ് ഈ നിര്ദ്ദേശമെന്ന് വിദഗ്ധര് പറഞ്ഞു. നിലവില്, ആരോഗ്യ, മുന്നിര തൊഴിലാളികള്ക്ക് അവരുടെ ഷോട്ടുകള് ലഭിക്കുന്നതിന് മുമ്പ് കോവിന് അപ്ലിക്കേഷനില് മുന്കൂട്ടി രജിസ്റ്റര് ചെയ്യണം. എന്നാല് 50 വയസ്സിന് മുകളിലുള്ളവര്ക്ക് ഇത് പ്രായോഗികമല്ലെന്നാണ് ഇവര് പറയുന്നത്. 50 വയസ്സിനു മുകളിലുള്ളവര്ക്ക് വാക്സിനേഷന് കേന്ദ്രങ്ങള് നടന്ന് എത്താവുന്ന ദൂരത്തായിരിക്കണം. കൂടാതെ ആധാര് അല്ലെങ്കില് വോട്ടര് ഐഡികള് സമര്പ്പിച്ച ശേഷം സ്വയം രജിസ്റ്റര് ചെയ്യാനും കഴിയണം. ഇത് മുഴുവന് പ്രക്രിയയും കൂടുതല് ലളിതമാക്കും, -ടാസ്ക് ഫോഴ്സ് അംഗം ഡോ. ഗിരിധര റാവു പറഞ്ഞു. ഒരു മിനിറ്റിനുള്ളില് പ്രായം സ്ഥിരീകരിച്ച, വാക്സിനേഷന് എടുക്കാം, 30 മിനിറ്റ് അവിടെ വിശ്രമിച്ച ശേഷം വീട്ടിലേക്ക് മടങ്ങാം-റാവു പറഞ്ഞു.
50 വയസ്സിനു മുകളിലുള്ളവര്ക്ക് കോവിന് ആപ്പില് സ്വയം രജിസ്റ്റര് ചെയ്യാന് കഴിയുമെന്ന് സര്ക്കാര് നേരത്തെ പ്രഖ്യാപിച്ചിരുന്നു, എന്നാല് പ്രതിരോധ കുത്തിവയ്പ്പ് വേഗത്തിലാക്കണമെങ്കില് പ്രക്രിയ കൂടുതല് ലളിതമാക്കേണ്ടതുണ്ടെന്ന് വിദഗ്ധര് പറയുന്നു.
റിപ്പോര്ട്ട്
ന്യൂസ് ഡെസ്ക്
