കോവിഡ്; രാജ്യം ഗുരുതര പ്രതിസന്ധിയിൽ, പതിമൂന്ന് സംസ്ഥാനങ്ങളില്‍ മരണനിരക്ക് നൂറിനുമുകളിൽ

ന്യൂഡൽഹി: രാജ്യത്ത് കോവിഡ് കേസുകൾ ഉയർന്ന നിരക്കിൽ തന്നെ തുടരുന്നു. 04/05/21 ചൊവ്വാഴ്ച രാജ്യത്തെ പ്രതിദിന കൊവിഡ് രോഗികളുടെ എണ്ണം മൂന്നേമുക്കാല്‍ ലക്ഷം കടന്നു . ചൊവ്വാഴ്ച വൈകിട്ട് വരെയുള്ള 24 മണിക്കൂറിനിടെ 3,82,315 പേര്‍ക്കാണ് രോഗം സ്ഥിരീകരിച്ചത്. 3780 പേര്‍ മരിച്ചു.

മഹാരാഷ്ട്ര, കര്‍ണാടക, ഉത്തര്‍പ്രദേശ്, ഗുജറാത്ത് അടക്കമുള്ള സംസ്ഥാനങ്ങളിലാണ് ഏറ്റവും കൂടുതല്‍ മരണം റിപ്പോര്‍ട്ട് ചെയ്യുന്നത്. പതിമൂന്ന് സംസ്ഥാനങ്ങളില്‍ നൂറിനുമുകളിലാണ് മരണനിരക്ക്. കൂടുതല്‍ രോഗികളുള്ളത് മഹാരാഷ്ട്രയിലാണ്.

ഡല്‍ഹിയില്‍ 19,953 പുതിയ കേസുകള്‍ റിപ്പോര്‍ട്ട് ചെയ്തു. 338 പേരാണ് മരിച്ചത്.

ഡല്‍ഹിയില്‍ മെയ് 10 വരെ ലോക്ഡൗണ്‍ പ്രഖ്യാപിച്ചിരിക്കുകയാണ്. മഹാരാഷ്ട്ര, മധ്യപ്രദേശ്, ഹരിയാന, രാജസ്ഥാന്‍ ഉള്‍പ്പെടെ വിവിധ സംസ്ഥാനങ്ങള്‍ ഭാഗികമായോ പൂര്‍ണമായോ അടച്ചിടലിലാണ്. പുതിയ കണക്കുകള്‍ പ്രകാരം രാജ്യത്തെ കൊവിഡ് കേസുകള്‍ രണ്ട് കോടി കടന്നു.