തിരുവനന്തപുരം: പുതിയ ട്രഷറി കെട്ടിടങ്ങളുടെ ഉദ്ഘാടനം 14ന്

തിരുവനന്തപുരം: ഹരിപ്പാട്, കൊല്ലം സബ് ട്രഷറികളുടെയും കൊല്ലം പെൻഷൻ പേയ്‌മെന്റ് സബ് ട്രഷറിയുടെയും പുതിയ കെട്ടിടങ്ങളുടെ ഉദ്ഘാടനം 14ന് ധനമന്ത്രി കെ. എൻ. ബാലഗോപാൽ നിർവഹിക്കും. ഹരിപ്പാട് സബ് ട്രഷറി ഉദ്ഘാടനം രാവിലെ 9.30നും കൊല്ലം സബ് ട്രഷറി, പെൻഷൻ പേയ്‌മെന്റ് സബ് ട്രഷറി എന്നിവയുടെ ഉദ്ഘാടനം വൈകിട്ട് മൂന്നിനും നടക്കും. ഹരിപ്പാട് നടക്കുന്ന ചടങ്ങിൽ രമേശ് ചെന്നിത്തല എം. എൽ. എ അധ്യക്ഷത വഹിക്കും. എ. എം. ആരിഫ് എം. പി മുഖ്യപ്രഭാഷണം നടത്തും. കൊല്ലത്തെ ചടങ്ങിൽ എം. മുകേഷ് എം. എൽ. എ അധ്യക്ഷത വഹിക്കും. മേയർ പ്രസന്ന ഏണസ്റ്റ് മുഖ്യപ്രഭാഷണം നടത്തും.