തിരുവനന്തപുരം: ചിറയിന്കീഴ് ഗ്രാമപഞ്ചായത്തില് ജിയോഗ്രഫിക്കല് ഇന്ഫര്മേഷന് സിസ്റ്റം പദ്ധതി പ്രവര്ത്തനം ആരംഭിച്ചു. ഡ്രോണ്, ഡിഫറന്ഷ്യല് ജി.പി.എസ്, ലേസര് ടേപ്പിങ് തുടങ്ങി പുത്തല് സാങ്കേതികവിദ്യകളുടെ സഹായത്തോടെ പ്രദേശത്തെ സംബന്ധിക്കുന്ന അടിസ്ഥാന വിവരങ്ങള് ഇനി മുതല് വേഗത്തില് സമാഹരിക്കാന് കഴിയും.
ജി.ഐ.എസ് മാപ്പിങ് സംവിധാനത്തിലൂടെ പഞ്ചായത്ത് പരിധിയിലുള്ള മുഴുവന് പ്രദേശങ്ങളുടെയും സൂക്ഷ്മതല ഭൂവിനിയോഗ വിവരങ്ങളും പ്രദേശവാസികളുടെ വിവരങ്ങളും പഞ്ചായത്ത് വെബ്പോര്ട്ടലില് ലഭ്യമാകും. ഊരാളുങ്കല് ലേബര് കോണ്ട്രാക്ട് കോ-ഓപ്പറേറ്റീവ് സൊസൈറ്റിയുടെ ഐ.ടി. സംരംഭമായ യു.എല്. ടെക്നോളജി സൊല്യൂഷന്സാണ് പുതിയ ഡിജിറ്റല് സംവിധാനം വികസിപ്പിച്ചത്.
ജനകീയാസൂത്രണ നീര്ത്തടാധിഷ്ഠിത പദ്ധതി പ്രവര്ത്തനങ്ങള്ക്ക് ആക്കം കൂട്ടാന് പുതിയ സംവിധാനത്തിലൂടെ സാധിക്കുമെന്ന് ഗ്രാമപഞ്ചായത്ത് പ്രസിഡന്റ് പി.മുരളി പറഞ്ഞു.
