ന്യൂഡല്ഹി: ലഖിംപൂർ ഖേരിയിൽ ബിജെപിയെ വെട്ടിലാക്കി വീണ്ടും വരുൺ ഗാന്ധി എം പി . പ്രതിഷേധിക്കുന്ന കര്ഷകരെ കൊല ചെയ്ത് നിശബ്ദരാക്കാമെന്ന് കരുതേണ്ടെന്ന് വരുണ് ഗാന്ധി പറഞ്ഞു.
കര്ഷകര്ക്കിടയിലേക്ക് കേന്ദ്രമന്ത്രി അജയ് മിശ്രയുടെ മകന്റെ വാഹനം ഇടിച്ചുകയറുന്ന വീഡിയോ പങ്കുവെച്ചുകൊണ്ടായിരുന്നു വരുണ് ഗാന്ധിയുടെ പ്രതികരണം. വീഡിയോയില് നിന്ന് എല്ലാം വ്യക്തമാണെന്ന് അദ്ദേഹം പറഞ്ഞു.
വീഡിയോയില് നിന്ന് കാര്യങ്ങള് വ്യക്തമാണെന്നും കൊലപാതകത്തിലൂടെ പ്രതിഷേധക്കാരെ നിശബ്ദരാക്കാന് കഴിയില്ലെന്നും വരുണ് ഗാന്ധി പറഞ്ഞു.
കര്ഷകരുടെ ഇറ്റുവീണ രക്തത്തിന്റെ ഉത്തരവാദിത്തം ഏറ്റെടുക്കണമെന്നും കര്ഷകര്ക്ക് നീതി ലഭിക്കണമെന്നും അദ്ദേഹം പറഞ്ഞു.
ലഖിംപൂരിലെ കര്ഷക കൊലയ്ക്ക് പിന്നില് കേന്ദ്രമന്ത്രി അജയ് മിശ്രയുടെ മകന് ആശിഷ് മിശ്രയ്ക്കെതിരെ എഫ്.ഐ.ആര് എടുത്തതിന് പിന്നാലെയാണ് വരുണ് ഗാന്ധിയുടെ പ്രതികരണം. കര്ഷകരെ ഇടിച്ചുകൊന്ന വാഹനത്തിനുള്ളില് ആശിഷ് മിശ്ര ഉണ്ടായിരുന്നെന്നാണ് എഫ്.ഐ.ആറില് റിപ്പോര്ട്ട് ചെയ്തിരിക്കുന്നത്.
