തിരുവനന്തപുരം: ചെന്നൈ ഐഐടി നിർദ്ദേശിക്കുന്ന എജൻസിയെ കൊണ്ട് തന്നെ കോഴിക്കോട് ബസ് സ്റ്റാന്റിന്റെ ബലക്ഷയം പരിഹരിക്കാൻ നടപടി ഉണ്ടാകുമെന്ന് ഗതാഗത മന്ത്രി ആന്റണി രാജു.
ബലപ്പെടുത്തുന്നതിന്റെ ഭാഗമായി ബസ് സ്റ്റാൻഡ് മാറ്റാൻ സന്നദ്ധമാണെന്ന് കെഎസ്ആർടിസി അറിയിച്ചിട്ടുണ്ട്. ഈ ബസ്റ്റാൻഡ് നിർമ്മാണം മുഴുവൻ നടന്നത് യുഡിഎഫ് കാലത്താണ്. ബലക്ഷയം പരിഹരിക്കാനുള്ള ചെലവുകൾ കെടിഡിഎഫ്സി വഹിക്കേണ്ടി വരും. ഐഐടി റിപ്പോർട്ട് കൂടി വന്ന പശ്ചാത്തലത്തിൽ വിജിലൻസ് അന്വേഷണത്തിന്റെ ഗൗരവം വർദ്ധിക്കുന്നതായും മന്ത്രി പറഞ്ഞു.
