ഇടുക്കി: തമിഴ്നാട്ടില് നിന്നുള്ള ജനപ്രതിനിധി സംഘം ഇന്ന് മുല്ലപ്പെരിയാര് അണക്കെട്ട് സന്ദര്ശിക്കും. അഞ്ചു മന്ത്രിമാര് അടങ്ങുന്ന സംഘമാണ് എത്തുന്നത്. ജലസേചന വകുപ്പ് മന്ത്രി ദുരൈമുരുകന്, ധനമന്ത്രി പളനിവേല് ത്യാഗരാജന്, സഹകരണ മന്ത്രി ഐ പെരിയ സ്വാമി, വാണിജ്യ നികുതി വകുപ്പ് മന്ത്രി പി മൂര്ത്തി, ഭക്ഷ്യ സിവില് സപ്ലൈസ് വകുപ്പ് മന്ത്രി ആര് ചക്രപാണി എന്നിവര് സംഘത്തിലുണ്ടാകും. തേനി ജില്ലയിലെ കമ്പം, ആണ്ടിപ്പെട്ടി, പെരിയകുളം തുടങ്ങി ഏഴു മണ്ഡലങ്ങളില് നിന്നുള്ള നിന്നുള്ള എംഎല്എമാരും മന്ത്രിമാര്ക്കൊപ്പം അണക്കെട്ടിലെത്തും. ജലനിരപ്പ് ഉയര്ന്നതിനെ തുടര്ന്ന് ഷട്ടര് തുറന്ന സാഹചര്യത്തിലാണ് സന്ദര്ശനം. മുല്ലപ്പെരിയാര് വിഷയത്തില് എഐഎഡിഎംകെ ഈ മാസം ഒന്പതിന് വിവിധ സ്ഥലങ്ങളില് സമരം നടത്താന് പ്രഖ്യാപിച്ച സാഹചര്യത്തില് സന്ദര്ശനത്തിന് രാഷ്ട്രീയ പ്രാധാന്യമുണ്ട്.
റിപ്പോര്ട്ട്
ന്യൂസ് ഡെസ്ക്
