ന്യൂഡല്ഹി: കോവിഡിന്റെ ഒമിക്രോണ് വകഭേദം ആശങ്കയായി തുടരുന്ന പശ്ചാത്തലത്തില് അടിയന്തര യോഗം വിളിച്ച് പ്രധാനമന്ത്രി നരേന്ദ്ര മോദി. രാവിലെ 10.30ന് യോഗം ആരംഭിച്ചു. ഉന്നത ഉദ്യോഗസ്ഥര് പങ്കെടുക്കുന്നുണ്ട്. രാജ്യത്തെ കോവിഡ് സ്ഥിതിഗതികളും വാക്സിനേഷന് പുരോഗതിയും ചര്ച്ചയാകും.ഒമിക്രോണ് വ്യാപിച്ച ദക്ഷിണാഫ്രിക്കയില് നിന്നും മറ്റു ഏഴ് ആഫ്രിക്കന് രാജ്യങ്ങളില് നിന്നുമുള്ള യാത്രയ്ക്ക് യുഎസ് അടക്കം ഇതിനോടകം വിലക്കേര്പ്പെടുത്തിയിട്ടുണ്ട്. യൂറോപ്യന് യൂണിയന്, യുകെ, കാനഡ തുടങ്ങിയ രാജ്യങ്ങളും യാത്ര നിയന്ത്രണമേര്പ്പെടുത്തി.
കോവിഡിന്റെ രണ്ടാം തരംഗത്തില് ഇന്ത്യയില് നാശം വിതച്ച ഡെല്റ്റ വകഭേദത്തേക്കാള് അപകടകാരിയാണ് ഒമിക്രോണ് എന്നാണ് ലോകാരോഗ്യ സംഘടനയുടേയടക്കം മുന്നറിയിപ്പ്.
റിപ്പോര്ട്ട്
ന്യൂസ് ഡെസ്ക്
