ന്യൂഡല്ഹി: രാജ്യത്തെ പ്രതിദിന കോവിഡ് കേസുകളുടെ എണ്ണത്തില് ഒരുദിവസത്തെ ഇടവേളയില് 19.6 ശതമാനത്തിന്റെ കുറവ്. ഇന്നലെ രാവിലെ അവസാനിച്ച 24 മണിക്കൂറിനിടെ വൈറസ് ബാധിതരായത് 27,409 പേര്. തൊട്ടുമുന് ദിവസം 3.19 ശതമാനമായിരുന്ന പ്രതിദിന ടെസ്റ്റ് പോസിറ്റിവിറ്റി നിരക്ക് 2.23 ശതമാനത്തിലേക്കു താഴ്ന്നു. ഈ വര്ഷത്തെ ഏറ്റവും കുറഞ്ഞ നിരക്കാണിത്. തിങ്കളാഴ്ച 34,113 പ്രതിദിന കേസുകളാണു റിപ്പോര്ട്ട് ചെയ്തത്. തുടര്ച്ചയായ ഒന്പതാം ദിവസമാണു പ്രതിദിന കേസുകള് ഒരുലക്ഷത്തിനു താഴെയായത്. നിലവില് ആകെ 4,23,127 ആക്ടീവ് കേസുകളാണു രാജ്യത്തുള്ളത്.347 പേര്കൂടി മരിച്ചതോടെ ആകെ കോവിഡ് മരണം 5,09,358 ആയി.
റിപ്പോര്ട്ട്
ന്യൂസ് ഡെസ്ക്
