ന്യൂഡല്ഹി: ഓപ്പറേഷന് ഗംഗയുടെ ഭാഗമായി ആറ് വിമാനങ്ങളിലായി 1396 ഇന്ത്യക്കാര് തിരിച്ചെത്തിയതായി വിദേശകാര്യ മന്ത്രാലയം വക്താവ് അരിന്ദം ബാഗ്ചി. പോളണ്ട് അതിര്ത്തി വഴി ബസ് സര്വീസ് തുടങ്ങി. ഹംഗറി വഴി രക്ഷാപ്രവര്ത്തനം ഊര്ജിതമാക്കും. മോള്ഡോവയില് നിന്ന് ആളുകളെ റൊമാനിയയില് എത്തിച്ചാകും ഇന്ത്യയിലേക്ക് കൊണ്ടുവരികയെന്നും ബാഗ്ചി പറഞ്ഞു. ഇതിനിടെ യുക്രൈനില് നിന്ന് മടങ്ങുന്നവരില് പാസ്പോര്ട്ട് നഷ്ടമായവര്ക്ക് എമര്ജന്സി സര്ട്ടിഫിക്കറ്റ് നല്കാന് തീരുമാനമായി. വിദേശകാര്യ സെക്രട്ടറി ഇക്കാര്യം പാര്ലമെന്റിന്റെ വിദേശകാര്യ സ്ഥിരം സമിതിയെയാണ് അറിയിച്ചത്. യുക്രൈനില് നിന്നെത്തുന്ന ഇന്ത്യക്കാര്ക്ക് വാക്സിനേഷന് സര്ട്ടിഫിക്കറ്റും വിമാനത്താവളത്തിലെത്തുന്നതിന് മുന്പുള്ള കൊവിഡ് പരിശോധനയും വേണ്ടെന്ന് കേന്ദ്ര ആരോഗ്യമന്ത്രാലയം വ്യക്തമാക്കിയിട്ടുണ്ട്.ഓപ്പറേഷന് ഗംഗാ ദൗത്യത്തിന്റെ ഭാഗമായി ഇതുവരെ മൂവായിരത്തോളം ഇന്ത്യക്കാരാണ് യുക്രൈന്റെ അതിര്ത്തി കടന്നത്.
റിപ്പോര്ട്ട്
ന്യൂസ് ഡെസ്ക്
