കല്ക്കത്ത: പശ്ചിമ ബംഗാൾ നിയമസഭയില് പുതുതായി തിരഞ്ഞെടുക്കപ്പെട്ട ആറ് തൃണമൂല് കോണ്ഗ്രസ് (ടി.എം.സി) എം.എല്.എമാരുടെ സത്യപ്രതിജ്ഞ ചടങ്ങില് ഗവർണർ സി.വി ആനന്ദ ബോസ് പങ്കെടുത്തു. മുഖ്യമന്ത്രി മമത ബാനർജി,സ്പീക്കർ ബിമൻ ബാനർജി എന്നിവരുടെ സാന്നിദ്ധ്യത്തില് ആനന്ദ ബോസ് സത്യവാചകം ചൊല്ലിക്കൊടുത്തു.
ഇനി പുതിയ ആകാശവും പുതിയ ഭൂമിയും
നിയമസഭയിലെത്തിയ ഗവർണറെ മമത നേരിട്ടെത്തിയാണ് സ്വീകരിച്ചത്. കൂടാതെ ചടങ്ങിന് ശേഷം യാത്രയയപ്പും നല്കി. കഴിഞ്ഞ ദിവസം കേരളകൗമുദിയ്ക്ക് നല്കിയ അഭിമുഖത്തില് മമതയുമായി മമതയും ആനന്ദവും കലർന്ന ബന്ധമാണെന്നും. താത്കാലികമായ കാർമേഘങ്ങളുണ്ടായത് രാഷ്ട്രീയമായാണെന്നും. ഇനി പുതിയ ആകാശവും പുതിയ ഭൂമിയും ഉണ്ടാകുമെന്നും ആനന്ദബോസ് പറഞ്ഞിരുന്നു.
നവംബർ 13ന് നടന്ന ഉപതിരഞ്ഞെടുപ്പില് വിജയിച്ചവരാണ് സത്യപ്രതിജ്ഞ ചെയ്തത്
ഡിസംബർ 2 ന് ‘ഇന്ത്യ’ മുന്നണി യോഗത്തില് നിന്ന് ടി.എം.സി വിട്ടു നിന്നിരുന്നു. ‘ഇന്ത്യ’ സഖ്യവുമായി ടി.എം.സിയ്ക്ക്ഭിന്നത രൂപപ്പെടുന്നതിനിടെയാണ് ഈ മഞ്ഞുരുക്കമെന്നതും ശ്രദ്ധേയമാണ്. നവംബർ 13ന് നടന്ന ഉപതിരഞ്ഞെടുപ്പില് വിജയിച്ചവരാണ് എം.എല്.എമാരായി സത്യപ്രതിജ്ഞ ചെയ്തത്
