ഉദയംപേരൂർ: തൊഴിലാളികളെ ഐ.എൻ.ടി.യു.സി സംഘം മർദ്ദിച്ചെന്ന് ആരോപിച്ച് സി.ഐ.ടി.യു.വിന്റെ നേതൃത്വത്തില് പ്രകടനവും പ്രതിഷേധപ്രകടനവും നടത്തി. കേരള പെട്രോളിയം ആൻഡ് ഗ്യാസ് വർക്കേഴ്സ് യൂണിയൻ (സി.ഐ.ടി.യു) സംസ്ഥാന കമ്മിറ്റിയംഗം കെ.എം. അനില്കുമാറിനെയും ഐ.ഒ.സി ഉദയംപേരൂർ ബോട്ലിംഗ് പ്ലാന്റ് തൊഴിലാളിയായ പി.എസ്. സജീഷിനെയും മർദ്ദിച്ചെന്നാണ് ആരോപണം.
സി.ഐ.ടി.യു ഏരിയ പ്രസിഡന്റ് പി.വാസുദേവൻ യോഗം ഉദ്ഘാടനം ചെയ്തു. കെ.കെ. പ്രകാശൻ അദ്ധ്യക്ഷനായി. പഞ്ചായത്ത് പ്രസിഡന്റ് സജിത മുരളി, ടി.കെ.ഭാസുരാദേവി, ടി.കെ. ജയചന്ദ്രൻ, പി.കെ. ബാബു, കെ.എസ്. ദേവരാജൻ, കെ.എം. അനില്കുമാർ, വി.ജി. രതീഷ് തുടങ്ങിയവർ സംസാരിച്ചു
