കട്ടപ്പന: ഇടുക്കി മുൻ ഡിസിസി ജനറൽ സെക്രട്ടറി ബെന്നി പെരുവന്താനം ബിജെപിയിൽ ചേർന്നു. കട്ടപ്പനയിൽ ബിജെപി ഇടുക്കി സൗത്ത് സംഘടനാ ജില്ലയുടെ വികസിത കേരളം കൺവെൻഷനിൽ വെച്ച് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ അംഗത്വം നൽകി സ്വീകരിച്ചു.
വഖഫ് വിഷയത്തിൽ കോൺഗ്രസിന് വ്യക്തമായ നിലപാടില്ല
.വഖഫ് വിഷയത്തിൽ കോൺഗ്രസ് സ്വീകരിച്ച നിലപാടുകളിലെ വിയോജിപ്പിനെ തുടർന്ന് പാർട്ടി വിടുന്നതായി തൊടുപുഴയിൽ വാർത്തസമ്മേളനത്തിൽ ബെന്നി വ്യക്തമാക്കിയിരുന്നു. പിന്നീടാണ് ബിജെപിയിൽ ചേർന്നത്. ക്രിസ്ത്യൻ വിരുദ്ധ നിലപാടാണ് കഴിഞ്ഞ കുറച്ചുകാലമായി കോൺഗ്രസ് പിന്തുടരുന്നതെന്നും അദ്ദേഹം വിമർശനമുന്നയിച്ചിരുന്നു.വഖഫ് വിഷയത്തിൽ കോൺഗ്രസിന് വ്യക്തമായ നിലപാടില്ലെന്നും കോൺഗ്രസ് എംപിമാർക്ക് കേരളത്തിലും കേന്ദ്രത്തിലും രണ്ട് നിലപാടാണന്നും പാർട്ടി വിട്ടപ്പോൾ ബെന്നി വിമർശിച്ചിരുന്നു
