മലപ്പുറം: വിദ്യാലയങ്ങളും കലാലയങ്ങളും തുറന്ന് പ്രവര്ത്തിക്കാന് തീരുമാനിച്ച സാഹചര്യത്തില് വിദ്യാര്ത്ഥികള് കോവിഡ് സുരക്ഷാ മാനദണ്ഡങ്ങള് കൃത്യമായി പാലിക്കണമെന്നും അധ്യാപകരും രക്ഷിതാക്കളും വിദ്യാര്ത്ഥികള്ക്ക് കോവിഡ് സുരക്ഷാമാര്ഗ്ഗ നിര്ദ്ദേശങ്ങള് നല്കണമെന്നും ജില്ലാ മെഡിക്കല് ഓഫീസര് ഡോ. ആര്. രേണുക അറിയിച്ചു. സ്കൂളുകളും കോളജുകളും തുറന്ന് പ്രവര്ത്തിക്കുമ്പോള് കുട്ടികള് കൂടുതല് അടുത്ത് ഇടപഴകുന്നത് കാരണം കോവിഡ് രോഗം വരാന് സാധ്യതയുണ്ട്. കുട്ടികള്ക്ക് കോവിഡ് രോഗം വന്നാല് ക്ലാസിലെ മറ്റു കുട്ടികള്ക്കും കോവിഡ് രോഗം പകരാന് സാധ്യതയുണ്ട്. അങ്ങനെ സംഭവിച്ചാല് താത്കാലികമായിട്ടെങ്കിലും ക്ലാസ്സുകള് നിര്ത്തിവയ്ക്കേണ്ടി വരും. ഈ അവസ്ഥ വരാതിരിക്കാന് എല്ലാ വിദ്യാര്ത്ഥികളും മാസ്ക് ധരിക്കല്, കൈകള് അണുവിമുക്തമാക്കല്, സാമൂഹിക അകലം പാലിക്കല് എന്നിവ കൃത്യമായി പാലിക്കണം. അധ്യാപകരും രക്ഷകര്ത്താക്കളും വിദ്യാര്ത്ഥികളെ കോവിഡ് മാനദണ്ഡങ്ങള് പാലിക്കുന്നതിന് സഹായിക്കുകയും ആവശ്യമായ നിര്ദ്ദേശങ്ങള് നല്കുകയും ചെയ്യണം.
റിപ്പോര്ട്ട്
ന്യൂസ് ഡെസ്ക്
