കൊച്ചി: നയതന്ത്ര ബാഗേജ് വഴി സ്വര്ണം കടത്തിയ കേസില് മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം ശിവശങ്കറിനെ ചോദ്യം ചെയ്യാന് കസ്റ്റംസിന് അനുമതി. ശിവശങ്കറിനെ ജയിലില് ചോദ്യം ചെയ്യാന് അനുമതി തേടി കസ്റ്റംസ് പ്രിന്സിപ്പല് സെഷന്സ് കോടതിയെ സമീപിച്ചിരുന്നു. ഇ.ഡി.യ്ക്ക് നല്കിയ മൊഴിയുടെ അടിസ്ഥാനത്തിലാണ് ചോദ്യം ചെയ്യല്.
ശിവശങ്കറിനെ ചോദ്യം ചെയ്യാന് അനുമതി തേടി വിജിലന്സും കോടതിയെ സമീപിക്കും. നിലവില് സ്വര്ണം കടത്തിയതുമായി ബന്ധപ്പെട്ട് കള്ളപ്പണം വെളുപ്പിച്ചെന്ന കേസില് ജുഡീഷ്യല് കസ്റ്റഡിയില് കഴിയുകയാണ് എം ശിവശങ്കർ.
