തിരുവനന്തപുരം: മുഖ്യമന്ത്രി പിണറായി വിജയന് കൊവിഡ് സ്ഥിരീകരിച്ചു. 08/04/21 വ്യാഴാഴ്ച വൈകിട്ടു തന്നെ മുഖ്യമന്ത്രിയെ കോഴിക്കോട് മെഡിക്കല് കോളേജിലേക്ക് ചികിത്സക്കായി മാറ്റി. മുഖ്യമന്ത്രിക്ക് നിലവിൽ രോഗത്തിന്റെ ലക്ഷണങ്ങളൊന്നുമില്ല.
മുഖ്യമന്ത്രിയുടെ മകള് വീണ വിജയന് നേരത്ത കൊവിഡ് സ്ഥിരീകരിച്ചിരുന്നു. ഇതേ തുടര്ന്ന് മുഖ്യമന്ത്രി നിരീക്ഷണത്തിലായിരുന്നു. കൊവിഡ് പരിശോധന ഫലം സ്ഥിരീകരിച്ച സാഹചര്യത്തില് പിപിഇ കിറ്റ് ധരിച്ചായിരുന്നു വീണ വിജയന് വോട്ട് രേഖപ്പെടുത്താനെയെത്തിയത്.
സംസ്ഥാനത്ത് ഇന്ന് 4353 പേര്ക്ക് കോവിഡ്19 സ്ഥിരീകരിച്ചു. കഴിഞ്ഞ 24 മണിക്കൂറിനിടെ 63,901 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 6.81 ആണ്. റുട്ടീന് സാമ്പിള്, സെന്റിനല് സാമ്പിള്, സിബി നാറ്റ്, ട്രൂനാറ്റ്, പി.ഒ.സി.ടി. പി.സി.ആര്., ആര്.ടി. എല്.എ.എം.പി., ആന്റിജന് പരിശോധന എന്നിവ ഉള്പ്പെടെ ഇതുവരെ ആകെ 1,35,78,641 സാമ്പിളുകളാണ് പരിശോധനയ്ക്കായി അയച്ചത്.
