കൊച്ചി: സംസ്ഥാനത്തെ ന്യൂനപക്ഷ ക്ഷേമ പദ്ധതികളും ആനുകൂല്യങ്ങളും 80:20 അനുപാതത്തില് വിതരണം ചെയ്യുന്നത് അനുവദിച്ചുള്ള സര്ക്കാര് ഉത്തരവ് ഹൈക്കോടതി റദ്ദാക്കി. വിവിധ ന്യൂനപക്ഷ വിഭാഗങ്ങളുടെ ജനസംഖ്യ അനുപാതത്തില് ആനുകൂല്യങ്ങള് അനുവദിക്കാന് നിര്ദേശിച്ചുകൊണ്ടാണു കോടതി ഉത്തരവിട്ടിരിക്കുന്നത്. 28/05/21 വെള്ളിയാഴ്ചയായിരുന്നു കോടതിയുടെ സുപ്രധാന ഉത്തരവ്.
ന്യൂനപക്ഷ ക്ഷേമ പദ്ധതികളുടെ വിതരണം 80% മുസ്ലിം വിഭാഗത്തിനും 20% ഇതര ന്യൂനപക്ഷ വിഭാഗങ്ങള്ക്കും എന്നതായിരുന്നു 2015 ല് സര്ക്കാര് ഇറക്കിയ ഉത്തരവ്. ഇതിനെതിരെ പാലക്കാട് സ്വദേശി ജസ്റ്റിന് പള്ളിവാതുക്കല് നല്കിയ ഹര്ജിയിലാണു ഹൈക്കോടതി ഈ സര്ക്കാര് ഉത്തരവ് റദ്ദാക്കി പുതിയ ഉത്തരവ് നല്കിയത്. പൊതുവായ പദ്ധതികളില് 80% വിഹിതം മുസ്!ലിം സമുദായത്തിനും ബാക്കി 20% ക്രിസ്ത്യന്, ബുദ്ധ, സിഖ്, ജൈന, പാര്സി എന്നീ 5 ന്യൂനപക്ഷ വിഭാഗങ്ങള്ക്കുമായി മാറ്റിവച്ചുകൊണ്ടുള്ള ഉത്തരവാണ് ഇതോടെ റദ്ദാക്കിയിരിക്കുന്നത്.
ക്രിസ്ത്യന് പിന്നാക്ക വിഭാഗങ്ങളിലെ വിദ്യാഭ്യാസ, സാമ്പത്തിക പിന്നാക്കാവസ്ഥ പഠിക്കാന് നിയോഗിച്ച ജസ്റ്റിസ് ജെ.ബി. കോശി സമിതിയുടെ ടേംസ് ഓഫ് റഫറന്സ് സര്ക്കാര് നേരത്തെ കോടതിയില് സമര്പ്പിച്ചിരുന്നു. ഇതും പരിഗണനയില് എടുത്താണ് ഹൈകോടതി ഡിവിഷന് ബഞ്ചിന്റെ നടപടി. വിവിധ ന്യൂനപക്ഷ വിഭാഗങ്ങളുടെ ജനസംഖ്യ അനുപാതത്തില് ആനുകൂല്യങ്ങള് അനുവദിക്കാന് നിര്ദേശിച്ചുകൊണ്ടാണു കോടതി ഉത്തരവിട്ടിരിക്കുന്നത്.
നിലവിലെ ജനസംഖ്യാ കണക്ക് ഇതിനു പരിഗണിക്കണമെന്നും ആവശ്യപ്പെട്ടിട്ടുണ്ട്. ന്യൂനപക്ഷ വിഭാഗങ്ങളെ മുസ്ലിം, ക്രിസ്ത്യന് തുടങ്ങിയ രീതിയില് വേര്തിരിക്കുന്നത് മതനിരപേക്ഷതയ്ക്ക് എതിരാണ്. സര്ക്കാര് ആനുകൂല്യങ്ങള് എല്ലാ ന്യൂനപക്ഷ വിഭാഗങ്ങള്ക്കും ജനസംഖ്യാ അനുപാതത്തില് ലഭ്യമാക്കണം തുടങ്ങിയ ആവശ്യങ്ങളാണ് ഹര്ജിക്കാരന് ഉയര്ത്തിയത്.
