പട്ന: പെട്രോളിനും ഡീസലിനും എക്സൈസ് തീരുവയില് ഇളവ് പ്രഖ്യാപിച്ച കേന്ദ്രസര്ക്കാര് തീരുമാനം വെറും നാടകമാണെന്ന് ആര്.ജെ.ഡി നേതാവ് ലാലു പ്രസാദ് യാദവ്.
പെട്രോളിന്റെയും ഡീസലിന്റെയും എക്സൈസ് തീരുവ കുറച്ചത് അപര്യാപ്തമാണെന്നും അദ്ദേഹം പറഞ്ഞു. പെട്രോളിന് അഞ്ച് രൂപ കുറച്ച് മോദി സര്ക്കാര് നാടകം കളിക്കുകയാണെന്ന് ലാലു പറഞ്ഞു.
ലിറ്ററിന് 50 രൂപ കുറച്ചാല് അത് ആശ്വാസമാകുമെന്നും യു.പി തെരഞ്ഞെടുപ്പിന് ശേഷം പെട്രോളിയം വില വീണ്ടും വര്ധിപ്പിക്കുമെന്നും ലാലു പ്രസാദ് യാദവ് പറഞ്ഞു.
കുതിച്ചുയരുന്ന ഇന്ധനവിലയില് പ്രതിഷേധം ശക്തമായതോടെയാണ് പെട്രോളിനും ഡീസലിനും എക്സൈസ് തീരുവയില് ഇളവ് പ്രഖ്യാപിച്ച് കേന്ദ്രസര്ക്കാര് രംഗത്തെത്തിയത്. പെട്രോളിന് ലിറ്ററിന് അഞ്ച് രൂപയും ഡീസലിന് പത്ത് രൂപയുമാണ് എക്സൈസ് തീരുവയില് ഇളവ് വരുത്തിയത്.
