ബെര്ലിന്: ജര്മനിയില് കൊവിഡ് നാലാം തരംഗം അതിശക്തം. ഇതാദ്യമായി രാജ്യത്തെ പ്രതിദിന കണക്കുകള് 50,000 കടന്നു. കഴിഞ്ഞ ഏതാനും ആഴ്ചകളായി പ്രതിദിന കേസുകള് കുത്തനെ കൂടുകയാണ്. ജര്മനിയില് നാലാം തരംഗം അസാധരണമാം വിധത്തില് ആഞ്ഞടിക്കുകയാണെന്നാണ് ആരോഗ്യമന്ത്രി ജെന്സ് സ്പാന് പറഞ്ഞത്.കഴിഞ്ഞ ദിവസം മാത്രം 50,196 പുതിയ കോവിഡ് കേസുകളാണ് രാജ്യത്ത് റിപ്പോര്ട്ട് ചെയ്തത്. ലോകത്ത് കോവിഡ് മഹാമാരി ആരംഭിച്ചതിനു ശേഷം രാജ്യത്ത് റിപ്പോര്ട്ട് ചെയ്യുന്ന ഏറ്റവും കൂടിയ പ്രതിദിന കോവിഡ് കേസുകളാണിത്.
അതേസമയം, യൂറോപ്പില് കഴിഞ്ഞ നാലാഴ്ചകളിലായി റിപ്പോര്ട്ട് ചെയ്യുന്ന കേസുകളില് വന് വര്ധനവാണ് ഉണ്ടായിരിക്കുന്നത്. അമേരിക്ക, റഷ്യ, ബ്രസീല്, തുര്ക്കി, എന്നീ രാജ്യങ്ങളിലാണ് ലോകത്ത് ഏറ്റവുമധികം പുതിയ കേസുകള് റിപ്പോര്ട്ട് ചെയ്യുന്നത്.കുതിച്ചുയര്ന്നുകൊണ്ടിരിക്കുന്ന കോവിഡ് കേസുകളും മരണങ്ങളും മേഖലയെ വീണ്ടും കോവിഡിന്റെ കേന്ദ്രമായി മാറ്റിയേക്കുമെന്നാണ് ലോകാരോഗ്യ സംഘടനയുടെ മുന്നറിയിപ്പ്.
