കണ്ണൂര്: പാര്ട്ടി ഓഫീസില് ഒളിച്ച പ്രതിയെ കസ്റ്റഡിയിലെടുത്തതിന് മാതമംഗലത്ത് വനിതാ എസ് ഐ രൂപയെ ഭീഷണിപ്പെടുത്തി സി ഐ ടി യു നേതാവ്.
സിഐടിയു വിലക്കിയ കടയില് സാധനം വാങ്ങിയ അഫ്സലിന് മര്ദ്ദനമേറ്റ സംഭവത്തിലെ പ്രതി രഞ്ജിത്തിനെ കസ്റ്റഡിയിലെടുത്തതിനെ തുടര്ന്നാണ് ഭീഷണി. സി ഐ ടി യു പെരിങ്ങോം ഏരിയ സെക്രട്ടറി എം പി ദാമോദരന്റെ ഭീഷണി പ്രസംഗമാണ് വൈറലായത്.
‘പാര്ട്ടി ഓഫീസില് വന്ന് അറസ്റ്റ് ചെയ്യാന് എവിടുന്ന് ധൈര്യം കിട്ടി. ന്യായം അറിഞ്ഞു വേണം ഓഫീസില് കയറാന്. വനിതാ എസ് ഐ ആയതുകൊണ്ട് എന്തും ചെയ്യാന് പറ്റില്ല. എന്തിനാണ് കണ്ടവന്റെ ഓശാരം വാങ്ങിച്ചിട്ട് പരാതിക്ക് പിന്നാലെ ഓടുന്നത്. ഇക്കാര്യം നേരത്തേ അറിഞ്ഞിരുന്നെങ്കില് രഞ്ജിത്തിന്റെ രോമത്തില് തൊടാന് നിങ്ങള്ക്ക് കഴിയില്ല, സാമാന്യം വിവരം ഉണ്ടെങ്കില് ഉത്സവം നടക്കുന്ന സാഹചര്യം മനസിലാക്കേണ്ടേ.. ഇങ്ങനെയൊരു സ്ഥലത്ത് താന്തോന്നിത്തരം കാണിക്കാന് ധൈര്യം തന്നതാരാണ്. “
സി ഐ ടി യുവിന്റെ സമര പന്തലിലെ പ്രസംഗത്തിലായിരുന്നു നേതാവ് പരസ്യമായി ഭീഷണി ഉയര്ത്തിയത്. വീഡിയോ സമൂഹമാദ്ധ്യമങ്ങളില് ഉള്പ്പെടെ ചര്ച്ചയാവുകയാണ്. വധശ്രമക്കേസില് പ്രതിയാണ് രഞ്ജിത്ത്. കസ്റ്റഡിയിലെടുത്ത അന്ന് തന്നെ പാര്ട്ടി ഇടപെട്ട് പ്രതിയെ ഇറക്കിക്കൊണ്ട് പോകുകയും ചെയ്തിരുന്നു.
