പൂനെ: ഫോൺ ഉപയോഗത്തിന്റെ പേരിൽ പിതാവ് ശകാരിച്ചതിനെ തുടർന്ന് പ്ലസ് ടു വിദ്യാർത്ഥിനി ജീവനൊടുക്കി. പൂനെയിലെ തന്റെ വീടിന്റെ ടെറസിൽ നിന്ന് ചാടിയാണ് 19 വയസുകാരിയായ വിദ്യാർത്ഥിനി ആത്മഹത്യ ചെയ്തത്. 2023 മെയ് 9 ചൊവ്വാഴ്ച രാവിലെയാണ് സംഭവം.
പഠിക്കുന്നതിനിടെ ഫോൺ ഉപയോഗിച്ചതിനെ തുടർന്ന് പിതാവ് മകളെ ശകാരിച്ചിരുന്നു. ഇതിൽ മനം നൊന്ത് പെൺകുട്ടി ടെറസിൽ നിന്ന് ചാടുകയായിരുന്നു എന്ന് പൊലീസ് പറയുന്നു. ഉടൻ ആശുപത്രിയിലെത്തിച്ചെങ്കിലും അപ്പോഴേക്കും മരണപ്പെട്ടിരുന്നു. പൊലീസ് അന്വേഷണം ആരംഭിച്ചു.
