.കോഴിക്കോട്: യുഡിഎഫ് കോഴിക്കോട് ജില്ലയില് പ്രഖ്യാപിച്ച ഹർത്താല് തുടുങ്ങി.നവംബർ 17 ഞായർ.രാവിലെ ആറു മുതല് വൈകുന്നേരം ആറുവരെയാണ് ഹർത്താല്. ചേവായൂർ സർവീസ് സഹകരണ ബാങ്ക് തെരഞ്ഞെടുപ്പിനിടെയുണ്ടായ സംഘര്ഷത്തില് പ്രതിഷേധിച്ചാണ് ഹർത്താൽ. അവശ്യ സർവീസുകളെ ഹർത്താലില് നിന്ന് ഒഴിവാക്കിയതായി കോണ്ഗ്രസ് നേതാക്കള് പറഞ്ഞു. അതേ സമയം ഹർത്താലുമായി സഹകരിക്കില്ലെന്നും തങ്ങളുടെ കടകള് തുറന്ന് പ്രവർത്തിക്കുമെന്നും വ്യാപാരി വ്യവസായി ഏകോപന സമിതി വ്യക്തമാക്കി. ഹർത്താലില് നിന്നും കോണ്ഗ്രസ് പിന്മാറണമെന്നാണ് ഇവർ ആവശ്യപ്പെടുന്നത്.
ജില്ലയില് കനത്ത സുരക്ഷ ഒരുക്കി പൊലീസ്
ചേവായൂർ ബാങ്ക് തെരഞ്ഞെടുപ്പില് കേട്ടുകേള്വി ഇല്ലാത്ത അതിക്രമം ഉണ്ടായെന്നും എല്ലാറ്റിനും നേതൃത്വം നല്കിയത് സിപിഎം ആണെന്നുമാണ് കോണ്ഗ്രസ് നേതാക്കളുടെ ആരോപണം. സംഘർഷ സാധ്യത കണക്കിലെടുത്ത് ജില്ലയില് കനത്ത സുരക്ഷയാണ് പോലീസ് ഒരുക്കിയിരിക്കുന്നത്.
