കടല് മണല് ഖനനത്തിനെതിരെ ഫിഷറീസ് കോഓര്ഡിനേഷന് കമ്മിറ്റി ആഹ്വാനം ചെയ്ത 24 മണിക്കൂര് തീരദേശ ഹര്ത്താല് ഇന്ന് (ഫെബ്രുവരി 26)രാത്രി 12ന് ആരംഭിക്കും. ഹര്ത്താലിന്റെ ഭാഗമായി മത്സ്യത്തൊഴിലാളികള് കടലില് പോകില്ല എന്നും മത്സ്യബന്ധന തുറമുഖങ്ങള്, ഫിഷ് ലാന്ഡിങ് സെന്ററുകള്, മത്സ്യച്ചന്തകള് എന്നിവയുടെ പ്രവര്ത്തനം സ്തംഭിക്കുമെന്നും ഭാരവാഹികള് അറിയിച്ചു. നിര്ബന്ധിച്ച് കടകള് അടപ്പിക്കുകയോ വാഹനങ്ങള് തടയുകയോ ചെയ്യില്ല.
പ്രതിഷേധ സമ്മേളനങ്ങള് 27 ന് രാവിലെ 9ന് ആരംഭിക്കും
ഹര്ത്താല് കേരളത്തിലെ തീരദേശ മേഖലയിലുടനീളം പ്രാബല്യത്തിലായിരിക്കും. 27 ന് രാവിലെ 9ന് സംസ്ഥാനത്തെ 125 കേന്ദ്രങ്ങളില് പ്രതിഷേധ സമ്മേളനങ്ങള് നടക്കും. പ്രതിഷേധ സമ്മേളനങ്ങള് 27 ന് രാവിലെ 9ന് ആരംഭിക്കും. കടല് ഖനനത്തിനെതിരായ പാര്ലമെന്റ് മാര്ച്ച് , മാര്ച്ച് 12ന് നടത്തും.മത്സ്യത്തൊഴിലാളി സംഘടനകളുടെ കോഓര്ഡിനേഷന് കമ്മിറ്റിയാണ് ഹര്ത്താല് ആഹ്വാനം ചെയ്തത്. ഹര്ത്താലിന് എല്ഡിഎഫ്, യുഡിഎഫ് മുന്നണികള്, ലത്തീന് രൂപതകള്, ധീവരസഭ, തീരദേശത്തെ വിവിധ മുസ്ലിം ജമാഅത്തുകള് എന്നിവ പിന്തുണ പ്രഖ്യാപിച്ചിട്ടുണ്ട്. ഫിഷ് മര്ച്ചന്റ്സ് അസോസിയേഷന്, ഐസ് ഫാക്ടറി ഉടമകളുടെ സംഘടനകള്, ബോട്ട് ഓണേഴ്സ് സംഘടനകള് തുടങ്ങിയ മത്സ്യ അനുബന്ധ മേഖലയിലെ തൊഴിലാളി സംഘടനകളും ഹര്ത്താലിന് പിന്തുണ നല്കുന്നു.
കടല് മണല് ഖനനംമത്സ്യ സമൃദ്ധിയേയും തീരദേശ ജനങ്ങളുടെ ഉപജീവനോപാധികളെ ബാധിക്കും
കടല് മണല് ഖനനം മത്സ്യ സമൃദ്ധിയേയും തീരദേശ ജനങ്ങളുടെ ഉപജീവനമാദ്ധ്യായങ്ങളേയും ബാധിക്കുന്നതാണെന്ന് സംഘടനകൾ പരാതിപ്പെടുന്നു.. ഈ പ്രശ്നങ്ങൾക്കെതിരെ വ്യാപകമായ ജനാധിപത്യ പ്രതികരണത്തിന്റെ ഭാഗമായി ഹര്ത്താലും പാര്ലമെന്റ് മാര്ച്ചും സംഘടിപ്പിക്കുകയാണ് .
