കൊല്ലം | രണ്ടര വയസുള്ള മകനെ കൊലപ്പെടുത്തി അമ്മയും അച്ഛനും ജീവനൊടുക്കിയ നിലയില്. കൊല്ലം താന്നി ബിഎസ്എന്എല് ഓഫീസിന് സമീപം താമസിക്കുന്ന അജീഷ് (38), ഭാര്യ സുലു (36), ഇവരുടെ രണ്ടര വയസുള്ള ആണ് കുട്ടി ആദി എന്നിവരെയാണ് വീട്ടിനുള്ളില് മരിച്ച നിലയില് കണ്ടെത്തിയത്. വിദേശത്തായിരുന്ന അജീഷ് അടുത്തിടെയാണ് നാട്ടിലെത്തിയത്.
കുഞ്ഞിനെ കഴുത്തറുത്ത് കൊലപ്പെടുത്തിയ ശേഷം ഇരുവരും തൂങ്ങി മരിക്കുകയായിരുന്നു
അജീഷിന് അടുത്തകാലത്തായി അര്ബുദം സ്ഥിരീകരിച്ചിരുന്നുവെന്നും സാമ്പത്തിക ബുദ്ധിമുട്ടുകളുണ്ടായിരുന്നുവെന്നും ഇതേ തുടര്ന്നുള്ള മാനസിക പ്രയാസമായിരിക്കാം ജീവനൊടുക്കുന്നതിന് കാരണമായതെന്നാണ് കരുതുന്നതെന്ന് പോലീസ് പറഞ്ഞു. സംഭവ സമയം അജീഷിന്റെ അച്ഛനും അമ്മയും വീട്ടില് ഉണ്ടായിരുന്നു. രാവിലെ അജീഷും ഭാര്യയും മുറിയില് നിന്ന് പുറത്തുവരാതായതോടെ മാതാപിതാക്കള് അയല്ക്കാരെ ഉള്പ്പെടെ അറിയിക്കുകയായിരുന്നു. തുടര്ന്നാണ് മരിച്ച നിലയില് കണ്ടെത്തിയത്. കുഞ്ഞിനെ കഴുത്തറുത്ത് കൊലപ്പെടുത്തിയ ശേഷം ഇരുവരും തൂങ്ങി മരിക്കുകയായിരുന്നുവെന്ന് പോലീസ് പറഞ്ഞു. .
