കോഴിക്കോട് | താമരശ്ശേരി പത്താം ക്ലാസ് വിദ്യാര്ഥി ഷഹബാസിന്റെ കൊലപാതകത്തില് കുറ്റാരോപിതരായ ആറ് വിദ്യാര്ഥികളുടെ എസ്എസ്എല്സി പരീക്ഷാ ഫലം പ്രസിദ്ധീകരിച്ചു. ഹൈക്കോടതിയുടെ നിര്ദേശ പ്രകാരമാണ് ഫലം പ്രസിദ്ധീകരിച്ചത്. വിദ്യാര്ഥികള്ക്ക് തുടര്പഠനത്തിന് അവസരം ലഭിക്കും.
ഏതു നിയമത്തിന്റെ അടിസ്ഥാനത്തിലാണ് പരീക്ഷ്ഷാ ഫലം തടഞ്ഞുവെച്ചതെന്ന് കോടതി
കുറ്റാരോപിതരായ വിദ്യാര്ഥികളുടെ പത്താംക്ലാസ് പരീക്ഷഫലം തടഞ്ഞുവെച്ചതിനെതിരെ വിമര്ശനവുമായി ഹൈക്കോടതി രംഗത്തെത്തിയിരുന്നു.ഏതു നിയമത്തിന്റെ അടിസ്ഥാനത്തിലാണ് നാലു വിദ്യാര്ഥികളുടെ ഫലം തടഞ്ഞുവെച്ചതെന്ന് കോടതി ചോദിച്ചിരുന്നു. കുറ്റാരോപിതരായ കുട്ടികളുടെ പത്താംക്ലാസ് പരീക്ഷാഫലം പ്രസിദ്ധീകരിക്കണമെന്ന് നേരത്തെ ബാലവകാശ കമ്മിഷനും നിര്ദേശിച്ചിരുന്നു.
വൊക്കേഷണല് ഹയര്സെക്കന്ഡറി കോഴ്സുകളില് അപേക്ഷിക്കുന്നതിനുള്ള സമയ പരിധി ബുധനാഴ്ച വൈകീട്ട് അഞ്ചുവരെ നീട്ടി നല്കി..
അതേസമയം ഈ വിദ്യാര്ഥികള്ക്ക് ഹയര്സെക്കന്ഡറി, വൊക്കേഷണല് ഹയര്സെക്കന്ഡറി കോഴ്സുകളില് അപേക്ഷിക്കുന്നതിനുള്ള സൗകര്യത്തിനായി അപേക്ഷ സ്വീകരിക്കുന്നത് ബുധനാഴ്ച വൈകീട്ട് അഞ്ചുവരെ നീട്ടി നല്കി. .
