ന്യൂഡല്ഹി | എറണാകുളം-ബെംഗളൂരു റൂട്ടില് 2025 നവംബര് പകുതിയോടെ പുതിയ വന്ദേഭാരത് ഓടി തുടങ്ങുമെന്ന് കേന്ദ്ര റെയില്വേ മന്ത്രി അശ്വിനി വൈഷ്ണവ്. കേരളത്തിന് അനുവദിക്കുന്ന മൂന്നാമത്തെ വന്ദേ ഭാരത് ട്രെയിനാണിത്.
ബെംഗളൂരു മലയാളികൾക്ക് ഏറെ ആശ്വാസകരം
എറണാകുളം – തൃശൂര് – പാലക്കാട് – കോയമ്പത്തൂര് – തിരുപ്പൂര് – ഈറോഡ് – സേലം വഴി ബംഗളൂരു റൂട്ടിലാണ് പുതിയ വന്ദേഭാരത് സര്വീസ് നടത്തുക. 488 സ്പെഷ്യല് ട്രെയിനുകള് ഉത്സവ കാലത്ത് കേരളത്തെ ബന്ധിപ്പിച്ച് ഓടിക്കുമെന്നും റെയില് മന്ത്രി സമൂഹ മാധ്യമമായ എക്സില് കുറിച്ചു. പുതിയ വന്ദേഭാരത് സര്വ്വീസ് ബെംഗളൂരു മലയാളികളെ സംബന്ധിച്ച് ഏറെ ആശ്വാസകരമാകും.
