കാബൂള്: പിഎച്ച്.ഡിക്കും ബിരുദാനന്തര ബിരുദത്തിനുമൊന്നും ഇന്നത്തെ കാലത്തു മൂല്യമില്ല, ഇവയൊന്നുമില്ലാത്ത, എന്തിന് ഹൈസ്കൂള് പഠനം പോലുമില്ലാത്ത മുല്ലാമാരും താലിബാന്കാരും അഫ്ഗാന്റെ അധികാരക്കസേരയിലെത്തിയതിനു നിങ്ങള് സാക്ഷികളല്ലേ. എല്ലാവരെക്കാള് മഹാന്മാര്…! ഉന്നതവിദ്യാഭ്യാസം നേടിയവരെ ഇകഴ്ത്തുന്ന ഈ വാക്കുകളുടെ ഉടമ പുതിയ താലിബാന് സര്ക്കാരിലെ വിദ്യാഭ്യാസമന്ത്രി ഷെയ്ഖ് മൗലവി നൂറുള്ള മുനീറാണ്.പുതിയ മന്ത്രിയുടെ വാചകക്കസര്ത്ത് സാമൂഹിക മാധ്യമങ്ങളിലൂടെയാണു പുറത്തുവന്നത്. വിമര്ശനവര്ഷവും പരിഹാസവുമായിരുന്നു ഇതിനു പ്രതികരണം. അഫ്ഗാനില് മാറ്റത്തിന്റെ കാറ്റുവീശുമെന്ന താലിബാന് നേതൃത്വത്തിന്റെ പ്രഖ്യാപനം വെറുംവാക്കാകുമെന്ന ആശങ്ക പങ്കുവച്ചവരും കുറവായിരുന്നില്ല.
റിപ്പോര്ട്ട്
ന്യൂസ് ഡെസ്ക്
