തൃശൂര് | തൃശൂര് എം ജി റോഡില് കുഴിയില് വീഴാതിരിക്കാന് സ്കൂട്ടര് വെട്ടിച്ച യുവാവ് ബസിനടിയില് പെട്ടു മരിച്ചു.. ഉദയനഗര് സ്വദേശി വിഷ്ണുദത്ത് (22) ആണ് മരിച്ചത്. വിഷ്ണുദത്തിന്റെ അമ്മ പത്മിനിയെ (60) ഗുരുതര പരിക്കുകളോടെ തൃശൂര് മെഡിക്കല് കോളേജ് ആശുപത്രിയില് പ്രവേശിപ്പിച്ചു.
അമ്മയോടൊപ്പം വടക്കുന്നാഥ ക്ഷേത്ര ദര്ശനത്തിന് പോകുമ്പോഴാണ് അപകടമുണ്ടായത്
തൃശൂര് സീതാറാം ഫാര്മസിയിലെ ജീവനക്കാരനായ വിഷ്ണുദത്ത് അമ്മയോടൊപ്പം വടക്കുന്നാഥ ക്ഷേത്ര ദര്ശനത്തിന് പോകുമ്പോഴാണ് അപകടമുണ്ടായത്. എം ജി റോഡിലെ കുഴിയില് വീഴാതിരിക്കാന് സ്കൂട്ടര് പെട്ടെന്ന് വെട്ടിച്ചതോടെ പിന്നില്നിന്നുവന്ന സ്വകാര്യ ബസ് ഇടിച്ചുകയറുകയായിരുന്നു. അപകടം നടന്ന ഉടനെ വിഷ്ണുദത്തിനെയും അമ്മയെയും ആശുപത്രിയിലെത്തിച്ചെങ്കിലും വിഷ്ണുദത്തിന്റെ ജീവൻ രക്ഷിക്കാനായില്ല.
